काठमाडौँ / नाडा अटो शोमा हुन्डाईले शोमा आफ्नो प्रोडक्ट रेन्ज सबै देखाउने प्रयास गरेको छ । कम्पनीले आफ्नो पछिल्लो उत्पादन माइक्रो एसयूभी एक्सटरदेखि प्रिमियम इलेक्ट्रिक क्रसओभर एसयूभी आयोनिक–५ सम्म प्रदर्शनीमा राखेको छ ।
नेपालका लागि हुन्डाइ मोटर्सको आधिकारिक बिक्रेता लक्ष्मी इन्टरकन्टिनेन्टल प्रालिले तत्काल बिक्री सुरु नहुने भएको कारण एक्सटरलाई भने प्रदर्शनीबाट हटाएको छ भने आयोनिक–५ लाई पनि हटाएको छ । कम्पनीले एक्सटरको मूल्य पनि तोकेको छैन ।
कम्पनीले भेन्यू, ग्राण्ड आई १० नियोस, इलेक्ट्रिक कोना, आई २०, क्रेटा र टुसानसमेत प्रदर्शनीमा राखेको छ ।
अटो शोमा विद्युतीय सवारी साधानमा अवलोकनकर्ता र खरिदकर्ता झुम्मिएपछि कम्पनीले कोना र आयोनिक–५लाई प्राथमिकता दिएको हो । नयाँ मोडल एक्सटरमा पनि आकर्षण बढेको कम्पनीले जनाएको छ ।
