विश्वव्यापी दन्त स्वास्थ्य ब्रान्डको रूपमा नाम कमाएको क्लोजअप नेपाल, यादगार पलहरू बनाउदै, युवासँग सम्बन्ध गाँस्ने प्रतिबद्धतालाई जारी राख्दै ‘अरिजीत सिंह लाईभ इन नेपाल’ कन्सर्टको टाईटल स्पोन्सरशिपको घोषणा गरिएको छ ।
सन् २०२३, नोभेम्बर २५ काठमाण्डौँ, बौद्धस्थित हायात रिजेन्सी ग्राउण्डमा हुन गइरहेको यस कार्यक्रमको व्यवस्थापन ग्यारेज इन्टरटेनमेन्ट र एम.एन. प्रोडक्सन्सले गरिरहेको छ। यस कन्सर्टमा आउने सबैका लागि अविस्मरणिय अनुभव बनाउनका निम्ति क्लोजअप नेपालले तयारी गरिरहेको छ।
पछिल्लो समयमा प्रतिभाशाली सुशान्त केसीसंग सहकार्य गर्दै क्लोजअप नेपालले सामाजिक संजालमा फर्स्ट मुभ #NajikAau डिजिटल अभियानमा सफलता हासिल गर्न सफल भएको थियो। आत्मविश्वास र ताजगीका साथ आफ्नो मनपर्ने व्यक्ति प्रति नजिक हुन र पहिलो कदम चाल्न प्रोत्साहन गर्नु यस अभियानको प्रमुख उद्देश्य रहेको थियो।
यो स्पोन्सरशिप क्लोजअप नेपालको जोश र उमंगले भरिएको अनुभव बाँड्ने र सबैलाई नजिक ल्याउने पहल हो। यस कार्यक्रमको टाईटल स्पोन्सरको रूपमा क्लोजअप नेपालको लक्ष्य संगीतको जादु र महोत्सव मनाउनु तथा युवा श्रोतासँँग दीर्घकालिन सम्बन्ध स्थापना गर्नु हो ।
कन्सर्टको अग्रिम चरणमा नै प्राप्त भएको उत्साह, माया र समर्थनका लागि सम्पूर्ण संगीतप्रेमी र समर्थकहरूप्रति क्लोजअप नेपाल आभारी छ।
