काठमाडौँ / क्रिकेटर सन्दीप लामिछानेले विश्वकप खेल्न अमेरिका जान नपाउने भएका छन् ।
विश्वकप खेल्न अमेरिका जान लागेका लामिछानेलाई काठमाडौँस्थित अमेरिकी दूतावासले भिसा दिन अस्वीकार गरेपछि उनी अमेरिका जान नपाउने भएका हुन् ।
सन्दीपले बुधबार दिउँसो सामाजिक सञ्जालमा स्टाटस लेख्दै आफूलाई भिसा नदिएको जानकारी दिएका छन् ।
अमेरिका र वेष्टइन्डिजमा हुने टी–२० विश्वकप क्रिकेटका लागि अरु नेपाली खेलाडी अमेरिका पुगिसकेका छन् ।
बलात्कार मुद्दामा सफाइ पाएपछि नेपाल क्रिकेट संघले उनलाई टिममा समावेश गरेको थियो । तर अमेरिकी दुतवासले भिसा नदिएपछि सन्दीप रोकिएका छन् ।
अमेरिकी दुतबासले भिसा नदिनुको कारण भने खुलाएको छैन । अमेरिकी कानुन अनुसार भिसा सम्बन्धी अभिलेखहरू गोप्य हुने भएकोले कारण खुलाउन नसकिने दुतबासले जनाएको छ ।
