काठमाडौँ / पछिल्लो एक वर्षको अवधिमा विदेशमा पढ्न जान एक लाख १२ हजार जनाले नेपालको सरकारी निकायबाट अनुमति लिएको पाइएको छ ।
शिक्षा, विज्ञान तथा प्रविधि मन्त्रालयको वैदेशिक अध्ययन अनुमति (एनओसी) शाखाका अनुसार २०८० साउन १ गतेदेखि २०८१ असार मसान्तसम्म एक लाख १२ हजार २ सय ५६ जनाले एनओसी लिएका हुन् ।
अघिल्लो आर्थक बर्षमा अर्थात २०७९/८० मा १ लाख १० हजार २१७ जनाले अनुमति लिएका थिए । अघिल्लो आवको तुलनामा गत आवमा विदेश पढ्न जान अनुमति लिनेको संख्या १.८१ प्रतिशतले बढेको हो ।
जापानका लागि सबैभन्दा धेरैले लिए अनुमति
आर्थिक वर्ष २०८०/८१ मा सबैभन्दा धेरै जापानका लागि ३४ हजार ७३१ जनाले अनुमति लिएका छन्। आव २०७९/८० मा जापानका लागि २१ हजार ६५८ जनाले अनुमति लिएका थिए ।
यता, नेपाली विद्यार्थीहरूको दोस्रो रोजाइमा क्यानडा छ।क्यानडामा अध्ययनका लागि १५ हजार ९८२ जनाले अनुमति लिएका छन्। अघिल्लो आवमा क्यानडाका लागि २१ हजार ५४४ जनाले अनुमति लिएका थिए ।
त्यस्तै, अस्ट्रेलियाका लागि १४ हजार ३७२, बेलायतका लागि १३ हजार ३३९, अमेरिकाका लागि ११ हजार २६१ र दक्षिण कोरियाका लागि ६ हजार ८८९ जनाले अनुमति लिएका छन्।
युएई, चीन, माल्टा, मलेसिया लगायत विभिन्न ६६ मुलुकमा अध्ययनका लागि अनुमति लिएका छन्।
कुन देशको लागि कतिले लिए अनुमति ? हेनुस् सूची
