काठमाडौँ / नेपाली सेनाले रिक्त अधिकृत पद (सहायक सेनानी र उपसेनानी) पदका लागि दरखास्त आह्वान गरेको छ । सेनाले रिक्त रहेको २८० पदमा खुल्ला तथा समावेशी प्रतियोगिताद्वारा पदपूर्ति गर्नको लागि दरखास्त आव्हान गरेको हो ।
भर्ना छनौट निर्देशनालय, जङ्गी अड्डा शुक्रबार सूचना जारी गर्दै योग्यता पुगेका नेपाली नागरिकले नेपाली सेनाको आधिकारिक वेबसाईट www.nepalarmy.mli.np बाट अनलाइन दरखास्त फाराम भर्न सक्ने जनाएको छ ।
फारम भरी सो को प्रिन्ट सहित स्वयम् उपस्थित भई तोकिएको भर्ना केन्द्रमा रु. १० को टिकट ताँसी दरखास्त पेस गर्न सकिनेछ ।
आगामी असोज ६ गतेसम्म दरखास्त दिन सकिने र दोब्बर दस्तुर तिरेर थप ७ दिनसम्म आवेदन दिन सकिने सूचनामा उल्लेख छ । अन्तिम दिन सार्वजनिक बिदा भएमा अनलाइनबाट भरेको दरखास्त फाराम सोभन्दा पछाडि कार्यालय खुल्ने दिन सम्बन्धित भर्ना केन्द्रमा बुझाउन सकिने सूचनामा भनिएको छ ।
