काठमाडौँ / एमएडब्लू अर्थमुभर्स प्रा।लि।ले जेसिबी इन्डियासँगको सहकार्यमा जेसिबी NXT सिरिजका नवीनतम एक्साभेटरहरू नेपाली बजारमा ल्याएको छ । कम्पनीले जेसिबी NXT 221 LC फ्युल मास्टर र जेसिबी NXT 225 LCM ट्र्याक्ड एक्साभेटरहरू नेपाली बजारमा लन्च गरेको हो । 

ललितपुरको झम्सिखेल स्थित द प्लाजामा आयोजित भव्य लन्च कार्यक्रममा सरकारी प्रतिनिधि, निर्माण उद्योगका अग्रणी, ग्राहक र डिलरहरू सहित करिब ७०० जना सरोकारवालाहरूको सहभागिता रहेको थियो।

कार्यक्रममा विशेष मेसिन प्रस्तुतीकरणको प्रदर्शनी लगत्तै जेसिबी एक्साभेटर खरिद गर्ने ११ जना ग्राहकहरूलाई साँचो हस्तान्तरण गरिएको थियो। 

कार्यक्रममा जेसिबी इन्डियाका सीईओ तथा एमडी दीपक शेट्टी र एमएडब्लू अर्थमुभर्सका अध्यक्ष विष्णु अग्रवालको विशेष सहभागिता रहेको थियो ।

‘लिडर इन एक्साभेटर’भन्ने थिममा आधारित शुभारम्भ कार्यक्रमले नेपालको विकासशील पूर्वाधार बजारको लागि अति उपयुक्त र टिकाउ उत्खनन मेसिनरी उत्पादन गर्ने जेसिबीको प्रतिबद्धतामा प्रकाश पार्यो।

जेसिबी NXT २२१ एलसि फ्युल मास्टरले उच्चतम ऊर्जा दक्षता प्रदान गर्दै जटिल उत्खनन कार्यहरूमा प्रभावकारी कार्य गर्दछ भने जेसिसबी NXT २२५ एलसिएम ट्र्याक्ड एक्साभेटरले उत्पदकत्त्व वृद्धिका लागि असाधारण हाइड्रोलिक सुविधाहरू प्रदान गर्दछ।

यस उत्पादन लाइनले नेपालको सडक पूर्वाधार विकास, जलविद्युत र शहरी विस्तार परियोजनाहरूमा बढेको सार्वजनिक लगानीसँगै राष्ट्रिय पूर्वाधार परियोजनाहरूलाई अगाडि बढाउन व्यापक सहयोग गर्नेछ।

कार्यक्रमको क्रममा एमएडब्लू अर्थमुभर्सका अध्यक्ष विष्णु अग्रवालले नयाँ एक्साभेटरहरूले नेपालको लागि भरपर्दो सेवामुलक नवप्रवर्तनहरू प्रदान गर्दै निर्माण उद्योगको दक्षता बढाउने घोषणा गरे। 

त्यस्तै, जेसिबी इन्डियाका दीपक शेट्टीले जेसिबीले सञ्चालन कार्यसम्पादन सुधारको लागि उन्नत प्रविधि र दिगो समाधानहरू प्रस्तुत गर्न जारी राख्ने बताए।

योसँगै ग्राहकहरूलाई गुणस्तरीय सेवा र सहायता प्राप्त गर्ने कुराको सुनिश्चितता गर्ने जेसिबीले नयाँ मेसिनहरूको लागि प्रभावशाली वारेन्टी योजना पनि प्रस्तुत गरेको छ। जस अनुसार, जेसिबी NXT २२१ एलस फ्युल मास्टरमा २ वर्ष वा ५००० घण्टाको वारेन्टी छ भने जेसिबी NXT २२५ एलसिएम ट्रयाक्ड एक्साभेटरमा ५ वर्ष वा १०,००० घण्टाको वारेन्टी रहेको छ। 

यस बाहेक, २०२५ को फेब्रुअरी अन्त्य हुनु अघि खरिद गर्ने दुवै मेसिनका सबै ग्राहकहरूलाई बेलायत भ्रमणको अवसर प्रदान गर्ने विशेष प्रमोसनल अफर पनि प्रस्तुत गरिएको छ।

जेसिबी NXT शृङ्खलाको यो सुरुवात नेपालको निर्माण उद्योगलाई अत्याधुनिक मेसिनरी आपूर्ति गर्ने जेसिबीको समर्पणको ताजा उदाहरणका रूपमा दरिने कम्पनीको दावी छ ।