काठमाडौँ / एसियन फेडेरेसनको कार्यकारी समितिमा पहिलो पटक चार जना नेपाली निर्वाचित भएका छन् । आइबार सम्पन्न एसियन बडी बिल्डिङ एण्ड फिजिक स्पोर्टस् फेडेरेसनको इलेक्टोरल कँग्रेसको बैठकले चार जना नेपालीलाई कार्यकारी समितिमा निर्वाचित गरेको हो । 

समितिमा निर्वाचित हुनेमा नेपाल शारीरिक सुगठन तथा फिटनेस महासङ्घका कार्यकारी उपाध्यक्ष राजेश बाबु श्रेष्ठ, उपाध्यक्ष विजयलाल कायस्थ, प्राविधिक समितिका अध्यक्ष दिेश राजभण्डारी र कार्यकारी सदस्य राजेश उपाध्याय रहेका छन् । 

महासङ्घको आयोजनामा भदौ १५ गतेदेखि २० गतेसम्म काठमाडौँमा ५५औँ एसियन एसियाली शारीरिक सुगठन तथा फिजिक्स स्पोर्टस् प्रतियोगिताको आयोजना भइरहेको छ । प्रतियोगितामा पुरुषतर्फ २८, महिलातर्फ १६ र मिक्सतर्फ एक गरी ४५ विधा समावेश गरिएको छ ।

घरेलु टिमका ४२ खेलाडी सहभागी हुने प्रतियोगितामा २५ राष्ट्रका खेलाडीले प्रतिस्पर्धा गर्नेछन् । नेपालका खेलाडीले भने २६ विधामा मात्र सहभागिता जनाउनेछन् । 

विजेताहरुको प्रतिस्पर्धामा च्याम्पियन हुने खेलाडीलाई मिस्टर एसियाको उपाधिले सम्मानित गरिनेछ । यो प्रतियोगितामा धेरै अंक ल्याउने देश समग्रमा च्याम्पियन बन्नेछ ।