काठमाडौँ / यामाहा नेपालले मोटो जीपीका प्रशंसकहरूलाई उत्साहित बनाउने गरी ‘राइड टु मोटो जीपी’ इभेन्टको घोषणा गरेको छ। भारतमा पहिलो पटक  मोटो जीपी आयोजना हुने अवसरमा  यामाहा नेपालले ऐतिहासिक अवसरको घोषणा गरेको हो। 

नेपाली मोटरसाइकलको इतिहासमै पहिलो पटक यामाहा नेपालले १० जना यामाहा राइडरहरूलाई आठ दिने मोटरसाइकल यात्रामा काठमाडौँदेखि बुद्ध इन्टरनेशनल सर्किट, नोएडासम्म मोटो जीपी हेर्न भारत लैजाने भएको छ। २०२३ को २० सेप्टेम्बरदेखि ब्लू स्क्वायर, नक्सालबाट सुरु भएर २३ मोटो जिपिको प्रत्यक्ष अनुभव गरी त्यहाँबाट पुन काठमाडौँ फर्केपछि यो यात्रा सम्पन्न हुनेछ । 

छानिएका यामाहा राइडरहरूले मोटोजीपी इन्डियामा अभ्यास सत्र, क्वालिफायर हुँदै रेससम्मको  रेसिङ अवलोकनको अनुभव प्राप्त गर्नेछन्। मोटो जीपी भारतमा सन् २०२३ को २२ देखि २४ सेप्टेम्बरसम्म हुँदैछ।

यामाहाले नेपाली समुदायका बिचमा रेसिङको भावनालाई जगाउने काम गरेको गरिरहेको छ । यामाहाका स्पोर्ट्स मोटरसाइकल र मोटोजीपीप्रति यामाहाका राइडरहरूको उत्साहलाई मनन् गर्दै ‘राइड टु मोटो जीपी’ को इभेन्ट तयार गरिएको हो।

यसमा सहभागिताका लागि यामाहा नेपालले एक विशेष माइक्रोसाइटको सिर्जना गरेको छ जहाँ यामाहा राइडरहरूले पहिलो चरणको दर्ताका लागि आफ्ना प्रारम्भिक विवरणहरू पठाउन सक्नेछन्।

पहिलो चरणको दर्ता कार्यक्रम सेप्टेम्बर ९, २०२३ सम्म रहनेछ। दर्तापछि यामाहाले अर्को राउन्डको छ्नौट प्रकृया अघि बढाउनेछ। यामाहाले दशजना राइडरहरूको छनोट गर्नेछ। छनोट भएकाहरूले केही नियम र सर्तहरू पनि पालना गर्नु पर्नेछ। यामाहाका तर्फबाट सबै यामाहाका राइडरहरूलाई सो प्रतियोगिताको लागि आवेदन दिन र जीवनमा अविस्मरणीय क्षण  प्राप्त हुने अवसरको रूपमा अनुभव गर्न कम्पनीले अपिल गरेको छ । 

एम.ए. डब्लूका यामाहा डिभिजनका सीईओ राजु क्षेत्रीले भने, “हामी यो  घोषणा गर्न पाउँदा एकदमै खुसी छौँ । यामाहा मोटरको स्थापनादेखि नै यसको कर्पोरेट संस्कृतिको  रूपमा मोटरस्पोर्टहरू अनिवार्य रूपमा रहँदै आएका छ। राइड टु मोटो जीपी, मोटो जीपीको रोमान्चकतालाई नेपाल नजिकै ल्याउन र धेरै मोटरस्पोर्टका उत्साहीहरूलाई रेसिङतर्फ आकर्षित गर्नका लागि एउटा कोसेढुङ्गा हो। यसैगरी  यामाहा नेपालले नेपालमा रेसिङ इभेन्टहरुको प्रवर्धन गर्दै आएको छ।”