.jpg)
काठमाडौँ / नेपाल सुनचाँदी व्यवसायी महासङ्घका अनुसार बजारमा आज (मङ्गलबार) सुनचाँदीको मूल्यमा गिरावट आएको छ । सोमबारको तुलनामा आज मङ्गलबार छापावाल सुनको भाउ प्रतितोला ४ सय रुपैयाँ र चाँदी १५ रुपैयाँले घटेको हो ।
सोमबार छापावाल सुनको भाउ प्रतितोला १ लाख १२ हजार ३ सय रुपैयाँमा कारोबार भएकोमा मङ्गलबार घटेर १ लाख ११ हजार ९ सय रुपैयाँमा झरेको हो । त्यस्तै, तेजावी सुन प्रतितोला १ लाख ११ हजार ३ सय ५० रुपैयाँमा कारोबार हुनेछ । यसअघि भने प्रतितोला १ लाख ११ हजार ७ सय ५० रुपैयाँ रहेको थियो ।
यता, चाँदीको भाउ पनि घटेर कारोबार हुने महासङ्घले जनाएको छ । यसअघि प्रतितोला १ हजार ३ सय ९० रुपैयाँ रहेको चाँदीको भाउ आज १ हजार ३ सय ७५ रुपैयाँ कायम भएको छ ।
.gif)
