.jpg)
काठमाडौँ / दशैँ बिदाका कारण बन्द रहेको बजार दशैँ सकिन लाग्दा खुल्न थालेको छ । बजार खुलेसँगै सुनचाँदीको मूल्य पनि सार्वजनिक भएको छ । ६ दिनपछि सार्वजनिक भएको मूल्यअनुसार आज सुन हालसम्मकै महँगो मूल्यमा कारोबार हुने भएको हो ।
कार्तिक ३ गते शुक्रबार १ लाख १५ हजार ५ सय रुपैयाँमा कारोबार भएको सुनको मूल्यले सो दिनको रेकर्ड ब्रेक गर्दै नयाँ उचाई कायम गरेको हो । आज शुक्रबार नेपाली बजारमा सुनको भाउ प्रतितोला १ लाख १६ हजार रुपैयाँमा कारोबार हुनेछ । त्यस्तै, तेजावी सुनलाई १ लाख १५ हजार ४ सय ५० रुपैयाँ पर्नेछ ।
यता, चाँदीको भाउ भने स्थिर नै रहेको छ । आज चाँदी यसअघिकै मूल्य अर्थात प्रतितोला १ हजार ४ सय रुपैयाँमा कारोबार हुनेछ। अन्तर्राष्ट्रिय बजारमा सुनको मूल्य बढेसँगै नेपाली बजारमा पनि असर परेको महासंघले जनाएको छ ।
.gif)
