काठमाडौँ / आज (सोमबार) सुनचाँदीको मूल्यमा गिरावट आएको छ । आइतबारको तुलनामा आज सुनको भाउ प्रतितोला ५ सय रुपैयाँले घटेको छ भने चाँदी पाँच रुपैयाँले घटेको छ ।
नेपाल सुनचाँदी व्यवसायी महासंघका अनुसार आइतबार प्रतितोला १ लाख १७ हजार रुपैयाँमा कारोबार भएको सुनको भाउ आज घटेर १ लाख १६ हजार ५ सय रुपैयाँमा झरेको छ । यसैगरी १ लाख १६ हजार ४ सय ५० रुपैयाँ पर्ने तेजावी सुनलाई आज १ लाख १५ हजार ९ सय ५० रुपैयाँ पर्ने महासंघले जनाएको छ ।
यता, चाँदीको भाउ प्रतितोला पाँच रुपैयाँले घटेर १ हजार ४ सय १० रुपैयाँमा कारोबार हुने महासंघले जनाएको छ । यसअघि चाँदी प्रतितोला १ हजार ४ सय १५ रुपैयाँमा कारोबार भएको थियो ।
.gif)
