दोधारा चाँदनी / आन्तरिक राजस्व कार्यालय महेन्द्रनगरले सबैभन्दा बढी कर तिर्ने आठ जना करदातालाई सम्मान गरेको छ ।
राष्ट्रिय कर दिवसका अवसरमा आन्तरिक राजस्व कार्यालयले बिहीबार महेन्द्रनगरस्थित सिद्धनाथ उदयदेव अनमोल क्रसर उद्योगका सञ्चालक तेज चन्द, केदार जनरल स्टोरका सञ्चालक लवदेव पाण्डेय, शिवकला परिवहन सेवा प्रालि र उदयदेव बहुउद्देश्यीय सहकारी, इन्टरनेसनल पब्लिक स्कुल, शङ्कर तेज जेभीलाई सम्मान गरेको आन्तरिक राजस्व कार्यालयले जनाएको छ ।
उक्त कार्यालयका अनुसार व्यक्तिगत आयकरमा वार्षिक रु ४० लाखभन्दा बढी आम्दानी गरेका सुशीलकुमार श्रेष्ठ र कर्मचारीबाट कर अधिकृत किरण डाँगी सम्मानित भएका छन् ।
कर दिवसकै अवसरमा आन्तरिक राजस्व कार्यालयले उद्योगी व्यवसायीका निम्ति कर शिक्षा एवं सचेतना तालिम प्रदान सञ्चालन गरेको छ ।
आन्तरिक राजस्व कार्यालय महेन्द्रनगरका प्रमुख कर अधिकृत डोलिन्द्रप्रसाद शर्माले कर दिवसका अवसरमा उत्कृष्ट करदाता सम्मान र उद्योगी व्यवसायीलाई करदाता शिक्षा प्रदान गरिएको बताए ।
