काठमाडौँ / गरिमा विकास बैंक लिमिटेडले आर्थिक वर्ष २०७९÷८० को नाफाबाट आफ्नो शेयरधनीलाई लाभांश वितरण गर्ने भएको छ ।
बैंकको बुधबार (पुस ४ गते) बसेको सञ्चालक समितिको बैठकले उक्त आर्थिक वर्षको सञ्चित मुनाफा र शेयर प्रिमियमबाट हाल कायम चुक्तापुँजीको ५ अर्ब १८ करोड ७६ लाख ८७ हजार ५७.१४ रुपैयाँको कुल १० प्रतिशतले हुन आउने ५१ करोड ८७ लाख ६८ हजार ७०५.७२ रुपैयाँबराबरको लाभांश वितरण गर्ने प्रस्ताव गरेको हो ।
प्रस्तावित लाभांशमा ९.५ प्रतिशतले हुन आउने ४९ करोड २८ लाख ३० हजार २७०.४३ रुपैयाँबराबरको बोनस शेयर र कर प्रयोजनार्थ ०.५ प्रतिशतले हुन आउने २ करोड ५९ लाख ३८ हजार ४३५.२९ रुपैयाँबराबरको नगद लाभांश छन्।
प्रस्तावित लाभांश नेपाल राष्ट्र बैंकको स्वीकृतिपछि आगामी वार्षिक साधारणसभाबाट अनुमोदन गरी शेयरधनीहरुलाई वितरण गरिने बैंकले जनाएको छ।
