.jpg)
काठमाडौँ / बुधबार सुनचाँदीको मूल्यमा सामान्य गिरावट आएको छ । नेपाल सुनचाँदी व्यवसायी महासङ्घका अनुसार मङ्गलबारको तुलनामा आज सुनको भाउ प्रतितोला १ सय रुपैयाँले घटेको हो ।
यसअघि प्रतितोला १ लाख १८ हजार ६ सय रुपैयाँ रहेको छापावाल सुनको भाउ घटेर आज १ लाख १८ हजार ५ सय रुपैयाँमा झरेको छ । यसैगरी प्रतितोला १ लाख १८ हजार ५० रुपैयाँ रहेको तेजावी सुनलाई आज १ लाख १७ हजार ९ सय रुपैयाँमा झरेको छ ।
यता, चाँदी प्रतितोला पाँच रुपैयाँले घटेको महासङ्घले जनाएको छ । यसअघि प्रतितोला १ हजार ४ सय १५ रुपैयाँ रहेको चाँदीलाई आज १ हजार ४ सय १० रुपैयाँ पर्नेछ ।
.gif)
