.jpg)
काठमाडौँ / विदेश पठाइ दिन्छु भनेर ठगी गर्ने एक व्यक्तिलाई प्रहरीले पक्राउ गरेको छ । प्रहरी वृत्त महाराजगञ्जबाट खटिएको टोलीले वैदेशिक रोजगारीका लागि बेलायत पठाइदिन्छु भनेर ठगी गर्ने योगेश राईलाई पक्राउ गरेको हो ।
राईले रोहित श्रेष्ठ र विजेन्द्र श्रेष्ठलाई बेलायत पठाइदिने भन्दै ३४ लाख २३ हजार ३ सय रुपैयाँ ठगी गरेको जिल्ला प्रहरी परिसर, काठमाडौँका प्रहरी उपरीक्षक (एसपी) नवराज अधिकारीले बताए । पीडितको उजुरीका आधारमा प्रहरीले राईलाई प्रकाउ गरेको र थप अनुसन्धान भइरहेको उनले जानकारी दिए ।
.gif)
