सुनसरीको इनरुवास्थित थोक तरकारी बजारमा बिक्रीका राखिएका खरबुजा तस्वीर हो यो । यहाँ अहिले गर्मीको मौसममा खरबुजा विक्री हुने समय भएपनि थोकमा एक बोराको दुई सय ५० रुपैयाँमा बिक्री भइरहेको व्यापारी बताउँछन् ।
बजार आसपास क्षेत्रमा खरबुजा खेती धेरै गरिएको छ । गरेका किसानलाई आफ्नो उत्पादन बेच्न भ्याइनभ्याइ छ । तर, राम्रो भाउ नपाउँदा किसान निरास छन् । यता कालीमाटी काठमाडौंमा भने तरबुजा (हरियो) को प्रतिकेजी न्युनतम ३० रुपैयाँदेखि ४० रुपैयाँ पर्ने तोकिएको छ । बजारमा उपभोक्तालाई यहि खरबुजा तरबुजा ६० रुपैयाँ भन्दा बढि मूल्य पर्दछ ।
खरबुजा लहरे तथा फूल फुल्ने बिरुवा हो । यो गर्मी हावापानीमा हुने फल हो। अहिले नेपालमा पनि व्यवसायिक रुपमा खेती गर्नेहरु बढ्दैछन् । यो फल अफ्रिकामा उत्पादन भएको मानिन्छ। यो एकवर्षिय लहरे बाली हो।
खरबुजामा फस्पोरस, पोटासियम, म्याग्नेसियम, सोडियम, क्याल्सियम, आईरन, भिटामिन बि तथा ई पाईन्छ।
यसको सेवनले शरीरमा भिटामिनको कमि पूरा गर्छ। खरबुजाले शरिरको तौल घटाउनुका साथै मृगौला को समस्या हटाउन पनि सहयोग पुर्याउने दाबी बैज्ञानिकहरुको छ ।
विशेष गरी जन्डिस टाईफाईड तथा उच्चरक्तचापमा पनि खरबुजा को सेवन लाभदायकसिद्ध हुन्छ ।
#picture : नवीन गड्तौला/ रासस
