काठमाडौँ / कालीमाटी फलफूल तथा तरकारी बजार विकास समितिले प्रकाशित गरेको मूल्यसूचीअनुसार आज केही तरकारी र फलफूलको भाउ घटेको छ भने केहीको बढेको छ । आज लोकल सानो गोलभेडाको भाउ घटेर प्रतिकेजी ५० रुपैयाँ, सानो गोलभेडा (भारतीय)को मूल्य ७५ रुपैयाँ, सानो तराई गोलभेडा ६७ रुपैयाँ ६७ पैसा, सुकेको प्याज (भारतीय) ६२ रुपैयाँ ६७ पैसा, टाटे सिमी ४० रुपैयाँ, मटरकोशा १०५ रुपैयाँ, लौका ७५ रुपैयाँ, तराई परवर ९५ रुपैयाँ, डल्लो भन्टा ५५ रुपैयाँ, सेतो लोकल मूला ३७ रुपैयाँ ६७ पैसा तोकिएको छ । 

यसैगरी, तराई काउली २७ रुपैयाँ ६७ पैसा, बरेला र ब्रोकाउली प्रतिकेजी ५५ रुपैयाँ, कन्य च्याउ १३५ रुपैयाँ, झोले स्याउ २५० रुपैयाँ, सुकेको छ्यापी १५० रुपैयाँ, मुंगरी माछा ४२६ रुपैयाँ ६७ पैसा पुगेको छ भने लोकल बन्दा, स्थानीय काउली, हरियो फर्सीलगायतको भाउ बढेको छ । 

आज लोकल बन्दा र स्थानीय काउलीको भाउ प्रतिकेजी ५० रुपैयाँ कायम भएको छ भने हरियो फर्सीको भाउ बढेर औसत मूल्य प्रतिकेजी ३५ रुपैयाँ, तितो करेला १०५ रुपैयाँ, लाम्चो भन्टा ६५ रुपैयाँ, सखरखण्ड ८५ रुपैयाँ, डल्ले च्याउ ३०० रुपैयाँ, चुकुन्दर ९५ रुपैयाँ, नेपाली सुन्तला ११० रुपैयाँ, लोकल काक्रो ११५ रुपैयाँ, हरियो खुर्सानी ६५ रुपैयाँ र माछे खुर्सानी ९५ रुपैयाँ पुगेको छ । 

विस्तृत तालिकामा हेर्नुस्