चर्चित समाचार
  • एक दशकको उत्सव : ग्लोकल टीन हिरो ‘मेड इन नेपाल’ !

    एक दशकको उत्सव : ग्लोकल टीन हिरो ‘मेड इन नेपाल’ !

    बुधवार, असार २६ २०८१
    बुधवार, असार २६ २०८१
  • एक दशकको उत्सव : ग्लोकल टीन हिरो ‘मेड इन नेपाल’ !

    काठमाडौँ / २०१५ मा स्थापना भएदेखि, ग्लोकल टीन हिरो अवार्डले आफ्नो समुदायमा महत्वपूर्ण योगदान दिएका किशोरकिशोरीहरुलाई सम्मानित गर्दै, उनीहरुको उपलब्धि र सामाजिक परिवर्तनप्रतिको समर्पणले अरुलाई प्रेरित गर्दै आएको छ ।

    गत दशकमा, यो प्रतिष्ठित मञ्चले युवावस्थाका प्रतिभाहरुलाई सम्मान मात्र नभई, उनीहरुको प्रभावलाई विश्वव्यापी रुपमा बढाउने अवसर र स्रोतहरु प्रदान गरेर उनीहरुलाई सशक्त बनाएको छ। यो मञ्चको उद्देश्य आफ्नो समुदाय र त्यस बाहिर परिवर्तन गरिरहेका युवाहरूलाई प्रोत्साहन दिनु हो ।

    २०१५ मा केवल काठमाण्डौं उपत्यकामा केन्द्रित भई सुरु भएको यो कार्यक्रम एक दशकमा देशभरिका किशोरकिशोरीहरुलाई सम्मानित गर्ने एक राष्ट्रिय अभियानमा परिणत भएको छ । यो पहलको सफलताका कथाहरुले राष्ट्रिय सिमाना मात्र होइन, बंगलादेश, भारत, र श्रीलंकामा पनि फ्रेन्चाइज चाइज सञ्चालन गर्दै आएको छ, ग्लोकल टीन हिरो मेड इन नेपाल ।

    प्रत्येक वर्षको सेप्टेम्बर १ मा आयोजना गरिने, दसौं संस्करण केवल वर्तमानको उत्सव मात्र होइन, विगतका वर्षहरुको प्रतिबिम्ब पनि हो । यी वर्षहरुमा, धेरै ग्लोकल टीन हिरोहरु आफ्नो सम्बन्धित क्षेत्रहरुमा नेतृत्व कौशल विकास गर्दै परिवर्तनकामी बनेका छन् । उनीहरुको प्रेरणादायक कथाहरु र ठोस योगदानहरु मार्फत, यी किशोरकिशोरीहरुले सामाजिक समस्याहरुलाई सम्बोधन गर्नको लागि दृढता र समर्पणको उदाहरण प्रस्तुत गरेका छन् ।

    ग्लोकल टीन हिरोले एक प्लेटफर्म को रूपमा मात्र नभई समाधानहरू प्रदान गर्न र समाजमा योगदान गर्ने विश्वासलाई बढावा दिन, किशोरकिशोरीहरुलाई दीर्घकालीन व्यावसायिक वृद्धि सुनिश्चित गर्न, र समुदायको दिगो विकासको लागि एक फोरमको रूपमा सेवा गर्दछ । प्राविधिक नवप्रवर्तनदेखि सामाजिक उद्यमशीलता सम्मको विविध सीपलाई मान्यता दिएर, यस मञ्चले युवाहरुका लागि उपलब्ध अवसरहरुको दायरा विस्तार गरेको छ ।

    यस प्लेटफर्मले भविष्यका पुस्ताहरुलाई सकारात्मक परिवर्तनका उत्प्रेरकको रुपमा आफ्नो सम्भावनालाई अँगाल्न प्रेरित गर्दछ । आगामी वर्षहरुमा, ग्लोकल टीन हिरो आशा र प्रेरणाको प्रकाशस्तम्भ रहिरहनेछ, जसले किशोरकिशोरीहरुलार्ई अधिक समान र दिगो संसारको कल्पना र निर्माण गर्न सशक्त बनाउन मद्दत गर्नेछ ।

    यदि तपाईं १३ देखि १९ वर्षको हुनुहुन्छ, एक नेपाली बासिन्दा हुनुहुन्छ र समाजमा केही प्रभावकारी काम गर्नुभएको छ भने, हामी तपाईंलाई आजै आवेदन दिन र सहभागी हुन प्रोत्साहित गर्दछौं । योे प्रेरणादायक किशोरकिशोरीहरुको नेटवर्कमा सामेल हुने र आफ्नो प्रभावलाई अझ सशक्त बनाउने अवसर हो ।

    तपाईको प्रतिक्रिया लेख्नुहोस
    images
    images
    images
    साताको लोकप्रीय
    थप समाचार