काठमाडौँ / सानिमा बैंक लिमिटेडको ३८ हजार ४५७ कित्ता संस्थापक शेयर विक्रीमा आएको छ ।
बैंकले विद्यमान संस्थापक शेयरधनीहरूले मात्र खरीद गर्न पाउने गरी यी शेयर विक्रीमा ल्याएको हो । शेयर खरीदका लागि इच्छुक विद्यमान संस्थापक शेयरधनीहरूले आगामी ३५ दिनभित्र आवेदन पेस गर्नुपर्नेछ ।
प्रतिकित्ता १४५ रुपैयाँ तोकिएको यी शेयर खरीदका लागि बैंकको केन्द्रीय कार्यालय नारायणचौर, नक्साल, काठमाडौँमा आवेदन पेस गर्नुपर्नेछ । न्यूनतम १० हजार कित्तादेखि अधिकतम सम्पूर्ण कित्तासम्म माग गर्दै आवेदन दिन सकिने व्यवस्था छ ।
तोकिएको अवधिभित्र विद्यमान संस्थापक शेयरधनीहरूमा यी शेयर विक्री हुन नसकेमा अन्य व्यक्ति तथा संस्थामा विक्री गरिने जानकारी कम्पनीले दिएको छ ।
