काठमाडौँ / चालु आर्थिक वर्ष २०८१/८२ को पहिलो महिना र्थात साउनमा २१ हजार ३४३ युनिट दुईपाँग्रे आयात भएको छ । 

भन्सार विभागले सार्वजनिक गरेको तथ्याङ्क अनुसार यो गत आर्थिक बर्ष २०८०/८१ को सोही अवधीको तुलनामा ७० प्रतिशत अर्थात ९ हजार ३४३ युनिट धेरै हो ।  वृद्धि भएको हो । गत वर्ष साउनमा १२ हजार युनिट दुईपाँग्रे आयात भएको थियो ।

कोरोनापछि सुस्त बनेको दुईपाँग्रे अटो बजार पछिल्ला महिनाहरूमा क्रमशः लयमा फर्किन थालेको विभागको तथ्याङ्कले पुष्टि गरेको छ । 

अघिल्ला वर्षहरूमा सुस्ताएको दुईपाँग्रे बजार यो अघिल्लो वर्षदेखि विस्तारै गति लिएको देखिन्छ । 

खासगरी दसैँ तिहार बजारका लागि लक्षित गर्दै सवारी तथा अन्य मालवस्तु आयात हुने साउन, भदौ र असोज महिनालाई विशेष मान्ने गरिन्छ । 

यहीँ सुरुवाती महिनामा २१ हजार ३४३ युनिट दुईपाँग्रे आयात भएको भन्सार विभागको तथ्याङ्कले देखाउँछ । 

नजिकिँदै गरेको नाडा अटो शोका कारण समेत मोटरसाइकलकको आयात वृद्धि भएको अनुमान गर्न सकिन्छ । 

नाडा अटोमोबाइल एशोसिएशन अफ नेपालले यहीँ भदौ ११ गतेदेखि १६ गतेसम्म १६ औं संस्करणको नाडा अटो शोको आयोजना गर्दैछ । 

अटो शोलाई लक्षित गरेर विभिन्न नयाँ ब्रान्डका साथै नयाँ नयाँ मोडलका मोटरसाइकल भित्रने क्रम बढ्दो छ ।