कठमाडौँ / आएसएमटी कलेजद्वारा आयोजित ‘आइएसएमटी जब फेयर’ सम्पन्न भएको छ । शुक्रबार तिनकुने गैरीगाउँस्थित कलेजको प्राङ्गणमा आयोजित जब फेयर नेपालका प्रमुख कम्पनी र आइएसएमटी कलेजका विद्यार्थीहरूको सहभागितामा सम्पन्न भएको हो ।
जब फेयरमा लिपफ्रोग टेक्नोलोजी नेपाल, होटल याक एण्ड यति, काठमाडौँ मेरियट होटल, निओ हस्पिटालिटी, सजिलो सेवा, Four Symmentrons, Fusemachines, Genese Solution, Uranus Company, नेपाल होलिडे ग्रुप, अलाइन्स रेस्टुरेन्ट , NCLOUD PVT. LTD. Bajra. Technologies PVT LTD, डिस मिडिया नेटवर्क (डिस होम), आकाश टेक, चौधरी ग्रुप, कम्युनिकेट टेक्नोलोजी, वर्ल्ड लिंक कम्युनिकेसनलगायत लगायत १९ वटा प्रमुख कम्पनीहरूले आफ्नो स्टल राखेका थिए ।
त्यस्तै, अध्ययन सकाएका र अध्ययन गरिरहेका गरी २ सय विद्यार्थीहरू उक्त जब फेयरमा अन्तर्वार्तामा सहभागी भएका थिए ।
आइएसएमटी कलेजले विद्यार्थीहरूलाई डिग्री मात्र उपलब्ध गराउने नभई दक्ष, सबल र सक्षम बनाउने उद्देश्यका साथ जब फेयरको आयोजना गर्दै आएको छ ।
आइएसएमटी कलेजले वर्षमा कम्तिमा २ वटा यस किसिमको जब फेयर आयोजन गर्दै आएको बिजनेस डेभलपमेन्ट हेड बासुदेव वस्तीले बताए ।
“यस किसिमको कार्यक्रमले विद्यार्थीहरूलाई आफ्नो क्यारियर स्टार्ट गर्न कम्पनी कम्पनी धाउन नपरोस र एउटै स्थानमा विभिन्न कम्पनीको जानकारी पाउनुका साथै आफुले रोजेको कम्पनीमा जागिर पाउन सकुन् भन्ने अभिप्रायले यस किसिमको कार्यक्रम आयोजना गरिएको हो,” वस्तीले भने ।
बेलायतको युनिभर्सिटी अफ सुन्दरल्याण्डबाट सम्बन्धन प्राप्त यस आइएमसएमटी कलेजले बिबिए, बिएचएम, बिएससी (होन्स), साइबर सेक्युरिटी एण्ड डिजिटल फरेन्सिक र एमबिए कार्यक्रम सञ्चालन गरिरहेको छ ।
साथै आइएसएमटी ग्रुपअन्तर्गत युनिभसिर्ट अफ सुन्दरल्याण्ड युकेकै सम्बन्धनमा नेपालका प्रमुख शहरहरू चितवन, पोखरा, विराटनगर र बुटवलमा पनि आफ्ना कलेजहरू सञ्चालनमा छन् ।
