ग्ग्राजुएट स्कुल अफ म्यानेजमेन्ट मध्यपश्चिम विश्वविद्यलय, सुर्खेतले वार्ता समिति गठन गरेको जनाएको छ । एक विज्ञप्ति जारी गर्दै 
प्रा. डा. दीपबहादुर रावल, डीन द्वारा हस्ताक्षरित ग्ग्राजुएट स्कुल अफ म्यानेजमेन्ट मध्यपश्चिम विश्वविद्यलय, सुर्खेतले जनाएको हो । 

असोज ८ गते स्वतन्त्र विद्यार्थी युनियनको निर्वाचनको सवाल उठान गरी नेपाल विद्यार्थी संघले मध्यपश्चिम विश्वविद्यालय कुइनेपानीस्थित केन्द्रीय कार्यालयमा एक विज्ञप्ति बुझाई तालाबन्दी गरेको गरेको थियो । 

यहि भदौ २८ गते सम्पन्न हुने मध्यपश्चिम विश्वविद्यालय, स्वतन्त्र विद्यार्थी युनियनको निर्वाचन केहि विद्यार्थीहरूले आफ्नो मताधिकारको माग राख्दै आएको थियो । 

उच्च अदालत, सुर्खेतमा रिट दायर गरेको र उक्त रिटको सुनुवाई गर्दै उच्च अदालत सुर्खेतको संयुक्त इजलासले मिति २०८१ भदौ २७ गते जारी गरेको अल्पकालीन आदेशलाई मिति २०८१ आश्वि न ६ गते निरन्तरता दिइरहनु नपर्ने भन्ने आदेश जारी गरेको थियो । 

विश्वविद्यालयका पदाधिकारीले विद्यार्थीहरुसँग वार्ता गरी विश्वविद्यालय केन्द्रीय कार्यालमा लगाएको ताला खोल्ने वातावरण तयार गर्न भनेको छ । यस्तैगरी नेपाल विद्यार्थी संघ लगायत अन्य क्रियाशील विद्यार्थी संघ, संगठनहरुसँग सामुहिक रुपमा वार्ता तथा संवाद गरि स्वतन्त्र विद्यार्थी युनियन निर्वाचनको उपयुक्त समय तय गर्न गरिने जनाएको छ । त्यसका लागि तीन सदस्यीय वार्ता तथा सम्बाद समिति बनाइएको छ । प्रा. डा. दीप बहादुर रावलको संयोजकत्वमा प्रा. डा. यम बहादुर कार्की सदस्य, सह प्रा. डा. लिला बहादुर तिवारी रहेका छन् ।