काठमाडौँ / स्किल फेस्ट एशिया २०२५मा नेपालबाट उत्कृष्ट ५ जना छनौट गरिएको छ । अन्तर्राष्ट्रिय स्तरमा बैंगलोरस्थित हुन गइरहेको स्किल फेस्ट एशियामा सहभागी हुनका लागि नेपालबाट ५ जना छनौट गरिएको हो ।
उक्त कार्यक्रममा प्रतिस्पर्धा गर्नका निम्ति नेपाल रिजिनल तथा राष्ट्रिय स्तरमा थेउरिटिकल तथा पार्टिकल टेस्ट ‘टिभिएस मेकानिकको बादशा’ कार्यक्रम माघ १० देखि १४ गतेसम्म सञ्चालन भएको थियो ।
जसमा उत्कृष्ट ३० जना टेक्निसियनबिच थेउरिटिकल तथा पार्टिकल टेस्ट प्रतिस्पर्धामा ५ जना छनोट गरिएको हो ।
प्रतिस्पर्धामा सल्लाघारी भक्तपुरस्थित आरडी अटो ट्रेडका राकेश नगखुशी, पोखरास्थित गण्डकी मोटर्सका सुरेश गुरुङ, बाइक मार्ट नेपाल प्रा.लि. खुशिबुका सुजन रायमाझी, महालक्ष्मी इन्टरप्राइजेज टाँडीका सनम महतो र जगदम्बा इन्टरप्राइजेज टेकुका सुजन महर्जन छनौट भएका छन् ।
विगतमा भएको उक्त कार्यक्रममा टिभिएस नेपालले ग्लोबली सेकेन्ट पोजिसन हासिल गर्न सफल भएको थियो ।
