काठमाडौँ / बुधबार नेपाल स्टक एक्सचेञ्ज (नेप्से) परिसूचक २७ सय बिन्दुमा उक्लिएको छ । यो दिन नेप्से परिसूचक २३.८६ प्रतिशतले बढेर २७ सय बिन्दुमा उक्लिएको हो । आज १६६ कम्पनीको सेयर मूल्य बढ्दा ७८ कम्पनीको घटेको छ । 

बुधबार ५ अर्ब ४४ करोड ४४ लाख ३५ हजार रुपैयाँको सेयर कारोबार भएको छ । बुधबार ३१८ धितोपत्रको १ करोड ४ लाख ४२ हजार ६८३ कित्ता ५३ हजार ८८४ पटक कारोबार भएको छ । नेप्से बढेसँगै आज बजार पुँजीकरण रकम ४४ खर्ब ८३ अर्ब ४६ करोड बराबर कायम भएको छ । 

व्यापार समूहमा उछाल

यो दिन व्यापार समूहमा उछाल आएको छ । बुधबार व्यापार समूह ९.४४ प्रतिशतले बृद्धि भएको हो । यसैगरी, वित्त समूह ३.१२ प्रतिशतले बढेको छ भने लगानी १.३७ प्रतिशत, बैंकिङ समूह ०.५१ प्रतिशत, विकास बैंक ०.३० प्रतिशत, होटल्स तथा पर्यटन समूह ०.५९ प्रतिशत, हाइड्रो पावर ०.४२ प्रतिशत, जीवन बिमा ०.२५ प्रतिशत, लघुवित्त ०.१७ प्रतिशत, म्युचुअल फण्ड ०.६९ प्रतिशत र अन्य समूह ०.३५ प्रतिशतले बढेको छ । यता, उत्पादन तथा प्रशोधन समूह १.४७ प्रतिशत र निर्जीबन बिमा ०.२६ प्रतिशतले घटेको छ । 

बुधबार सेन्ट्रल फाइनान्सको सेयर मूल्यमा पोजेटिभ सर्किट लागेको छ । यो कम्पनीको सेयर मूल्य १० प्रतिशतले बढेर प्रतिकित्ता ६१३ रुपैयाँ कायम भएको छ । यसैगरी, विशाल बजार कम्पनीको सेयर मूल्य ९.९६ प्रतिशतले बढेर प्रतिकित्ता ६४०३.०५ रुपैयाँ कायम भएको छ भने उपकार लघुवित्त वित्तीय संस्थाको सेयर मूल्य ९.२९ प्रतिशतले बढेर प्रतिकित्ता ३५८२.२५ रुपैयाँ कायम भएको छ । 

त्यस्तै, हाथवे इन्भेष्टमेन्ट नेपालको सेयर मूल्य ६.७९ प्रतिशत र न्यादी हाइड्रोपावरको सेयर मूल्य ६.४२ प्रतिशतले बृद्धि भएको छ । 

यता, बाटलर्स नेपाल (बालाजु)को सेयर मूल्य सर्वाधिक बढी १० प्रतिशतले घटेर १७,५७९.८० रुपैयाँ कायम भएको छ । यसैगरी, बलेफी हाइड्रोपावरको ४.८५ प्रतिशतले घटेर ३१९ रुपैयाँमा झरेको छ । 

बुधबार सिइडिबी होल्डिङ्स् लिमिटेडको सर्वाधिक बढी ३६ करोड ५५ लाख ५२ हजार रुपैयाँ बराबरको कारोबार भएको छ । 
यसैगरी, हिमालयन रिइन्स्योरेन्सको ३५ करोड ६ लाख ५१ हजार रुपैयाँको सेयर कारोबार भएको छ ।