.gif)
.gif)
आज विक्रम संवत २०८१ साल चैत्र २१ गते, बिहीबार तदनुसार ईश्वी सन् २०२५ अप्रिल ३ तारिख, नेपाल संवत् ११४५, कालयुक्तनाम संवत्सर, उत्तरायणं, वसन्त ऋतु, श्रीशाके १९४६, चैत्र शुक्लपक्ष, षष्ठी तिथी, रोहिणी नक्षत्र, आनन्दादिमा–उत्पात योग । चन्द्रराशि–बृष, बेलुकी ११ बजेर ५४ मिनेट उप्रान्त मिथुन ।
मेष (चु, चे, चो, ला, लि, लु, ले, लो, अ)
व्यापार व्यवसायमा मनग्य फाइदा हुनेछ । बुद्धिको प्रयोग गरेर आम्दानी बढाउन सकिनेछ । सेयर बजार र धातु तथा खनिज पदार्थसँग सम्बन्धित व्यवसायमा गरिएको लगानीबाट लाभ लिन सकिनेछ । बोलीको प्रयोग गरेर महत्त्वपूर्ण काम सम्पादन गर्न सकिनेछ । मान सम्मान बढ्नेछ भने आज गरिएको श्रमको उचित मूल्याङ्कन हुनेछ । लामो समयदेखि रोकिएको काम बन्नेछ ।
वृष (इ, उ, ए, ओ, बा, बि, बु, बे, बो)
कार्यक्षेत्रमा राम्रोसँग सोचविचार गरेर मात्रै निर्णय लिनुहोला । शुभचिन्तकहरूको सहयोग मिल्नेछ । व्यापार व्यवसाय र सेयर बजारमा गरिएको लगानीबाट मनग्य धन सञ्चय गर्न सकिनेछ । भौतिक सम्पत्ति तथा सवारी साधन जोड्न सकिनेछ । कीर्तिमानी काम गरेर नाम र दाम कमाउने समय छ । आज रचनात्मक काम सुरु गर्न सकिनेछ । रमाइलो यात्राको सम्भावना छ । पहिलेको सफलताले हौसला मिल्नेछ ।
मिथुन (का, कि, कु, घ, ङ, छ, के, को, ह)
परिवारको सहयोगले बिग्रिएको काम बन्नेछ । सवारी साधनको प्रयोग गर्दा र यात्रा गर्दा ध्यान दिनुहोला । लामो दुरीको यात्राको सम्भावना छ । वैदेशिक रोजगारी र विदेशमा बसेर काम गर्नेहरूका लागि आजको समय राम्रो छ । खर्च लागे पनि यात्राको प्रक्रिया अघि बढ्न सक्छ । व्यवसायमा लगानी थप्नुपर्ला । माङ्गलिक कार्यमा धन खर्च हुनेछ ।
कर्कट (हि, हु, हे, हो, डा, डि, डु, डे, डो)
कार्यक्षेत्रमा धैर्य र पराक्रम वृद्धि हुनेछ। सेयर बजारमा गरिएको लगानीबाट मनग्य लाभ मिल्नेछ। व्यापार व्यवसाय फस्टाउनेछ । कारोबार बढ्ने योग छ । लगानशीलताले मनग्य लाभ लिन सकिनेछ । आयआर्जनको स्रोत बढ्नेछ । साझेदारीमा गरिएको व्यवसायबाट फाइदा मिल्ने समय छ । दैनिक कामबाट पनि लाभ मिल्नेछ । थोरै लगानीबाट मनग्य नाफा कमाउन सकिनेछ । श्रमको उचित मूल्य पाइनेछ ।
सिंह (मा, मि, मु, मे, मो, टा, टि, टु, टे)
नयाँ काम सुरुवात गर्ने समय छ । सेवामूलक काम गरेर मान प्रतिष्ठा बृद्धि गर्न सकिनेछ । व्यापार, सेयर बजारमा गरिएको लगानी फस्टाउने समय छ भने आम्दानीको स्रोत बृद्धि हुनेछ । बौद्धिकताको प्रयोग गरेर अरुको मन जित्न सकिनेछ । सानो प्रयत्नले महत्त्वपूर्ण काम बन्ने योग छ । आज चिताएको काम समयमै सम्पादन गर्न सकिनेछ । कला, साहित्य र सङ्गीत क्षेत्रमा गरिएको लगानीले पनि फाइदा दिलाउनेछ ।
कन्या (टो, प, पि, पु, ष, ण, ठ, पे, पो)
प्रयत्न गरेका काम सहजै सम्पादन हुँदा आम्दानी बढ्नेछ । आज सेवामूलक कामबाटसमेत धन आर्जन गर्न सकिनेछ । लगनशीलताले फाइदा दिलाउनेछ भने प्रयत्न गर्दा अवसर पाइनेछ । भाग्यदोयको समय छ । दाम र प्रतिष्ठा कमाउने बेला छ भने कीर्तिमानी काम सम्पादन गर्न सकिनेछ । पुराना काम सफलता पूर्वक सम्पन्न हुनेछ भने सानो प्रयत्नले पनि मनग्य फाइदा दिलाउनेछ ।
तुला (र, रि, रु, रे, रो, ता, ति, तु, ते)
व्यापार व्यवसायमा लगानी गर्नुअघि राम्रोसँग सोचविचार गरेर मात्रै लगानी गर्नुहोला । आँटेको काम समयमै सम्पादन नहुँदा निराश भइनेछ । व्यवस्थापन गर्न नजान्दा आर्थिक समस्या आइपर्नेछ । भौतिक सुखसुविधामा धन खर्च हुनेछ । अवसरको सदुपयोग गर्न नसकिएला । यद्यपि, आज शिक्षा क्षेत्रमा गरिएको लगानीबाट भने फाइदा मिल्ने योग छ । नयाँ योजना कार्यान्वयन गर्न सकिने समय छ ।
वृश्चिक (तो, ना, नि, नु, ने, नो, या, यि, यु)
व्यापार व्यवसाय फस्टाउने समय छ । रमाइलो र उपलब्धिमूलक यात्राको सम्भाना छ भने विशिष्ट व्यक्तिको सहयोगले महत्त्वपूर्ण काम सम्पादन हुनेछ । प्रतिक्षित नतिजा हात पर्नेछ । मनग्य धन लाग हुने योग छ भने आज सौख पूरा गर्ने र भौतिक साधन जोड्न सकिने समयछ । नयाँ नयाँ अवसर मिल्नेछ । आय आर्जनका नयाँ स्रोतहरू बृद्धि हुनेछ ।
धनु (ये, यो, भ, भि, भु, ध, फा, ढ, भे)
महत्वाकांक्षी योजना कार्यान्वयन गर्ने समय छ । लामो समयदेखि रोकिएको काम बन्ने योग छ । प्रतिस्पर्धामा विजयी भइनेछ । व्यापार व्यवसाय सुरु गर्न सकिनेछ । आर्थिक लाभ हुने काम समयमै सम्पादन हुनेछ । रोकिएको काम सम्पादन हुने योग छ । लगनशीलताले लक्ष्य प्रयाप्त गर्न सकिनेछ । परिस्थितिलाई आफ्नो पक्षमा ल्याउन सकिनेछ । पराक्रमद्वारा अधिकार स्थापित गर्न सकिनेछ।
मकर (भो, ज, जि, खि, खु, खे, खो, गा, गि)
चुनौतिपूर्ण काम सम्पादन गर्न सकिनेछ । व्यापार व्यवसायबाट मनग्य लाभ लिन सकिनेछ । आश्वासन दिनेहरूबाट धोका हुनसक्छ, सचेत हुनुहोला । आज आर्जित धन सञ्चित गर्न सकिनेछ । आर्थिक पक्ष सबल रहेको छ । विशेष उपहार पाइने सम्भावना छ । आँचेको काम सहजै सम्पादन हुनेछ । सेवा मूलक काम र पशुपालन तथा कृषि क्षेत्रबाट पनि राम्रो लाभ मिल्नेछ।
कुम्भ (गु, गे, गो, सा, सि, सु, से, सो, द)
समय मध्यम छ । घरजग्गाको खरिद विक्री अरुको सुझाव सल्लाह लिनुहोला । हतारमा गरिएको निर्णयबाट घाटा हुनसक्छ । सवारी साधन प्रयोग गर्दा ध्यान दिनुहोला । कृषि तथा पशुपालन व्यवसाय फस्टाउने समयछ । व्यापार व्यवसाय तथा सेयर बजार र उद्योगमा गरेको लगानीले पनि फाइदा दिलाउनेछ । चुनौतिको बावजुद महत्तवपूर्ण काम सम्पादन गर्न सकिनेछ । दोहोर्याएर पर्यत्न गर्दा रोकिएको काम बन्नेछ ।
मीन (दि, दु, थ, झ, ञ, दे, दो, च, चि)
खाद्यान्न, गरगहना तथा निर्माण सामाग्रीको व्यापार व्यवसाय फस्टाउने समय छ । बैंक बित्त तथा सेयर बजारमा गरेको लगानीबाट पनि फाइदा हुने योग छ । यात्राको सम्भावना छ । मेहनतले आँटेको काम सम्पादन गर्न सकिनेछ । श्रमको उचित मूल्याङ्कन हुनेछ । रोकिएको काम बन्ने र नयाँ काम सुरु गर्न सकिने समय छ । छोटो समयमा मनग्य आम्दानी हुने काम सम्पादन हुनेछ ।
