.gif)
ललितपुर / एफवान सफ्ट ग्रुप अन्तर्गतका एफवान सफ्ट इन्टरनेशनल, फोनपे र ईसेवासँगको योजनागत साझेदारीमा ललितपुरस्थित द प्लाजामा २०२५ को बैंकर्स मिटअप सम्पन्न गरेको छ ।
नेपालका प्रमुख बैंक र वित्तीय संस्थाका सीईओहरू र वरिष्ठ नेतृत्वकर्ताहरूलाई एकै मञ्चमा उपस्थित गराएर डिजिटल भुक्तानी क्षेत्रमा नवीनतम प्रविधि र सेवाहरूबारे छलफल गरिएको हो ।
नेपालको वित्तीय क्षेत्रमा करिब एक दशकदेखि बैंकर्स मिटअप कार्यक्रम सञ्चालन हुँदै आएको छ । यसले रणनीतिक साझेदारी, सहकार्यको संस्कृति र नेपालको बैंकिङ क्षेत्रको आगामी अध्याय निर्माणमा सहयोग पुर्याउने आयोजकको दावी छ ।
यस वर्षको कार्यक्रम डिजिटल रूपान्तरण, कृत्रिम बुद्धिमत्ता डेटा र ओपन बैंकिङ्ग इकोसिस्ट ‘डिजिटल ट्रान्सफरमेस, एआई, डाटा एण्ड ओपन बैंकिङ इकोसिस्टम’को प्रभावमा केन्द्रित थियो ।
