“तिमीले उनीहरूलाई धेरै दुःख दियौ। विवाह भएको २० वर्ष भइसक्यो। अब उनलाई बिर्सिदेऊ...!” यी शब्दहरू फिल्मी संवाद जस्तो लाग्न सक्छ, तर यो उत्तर प्रदेशको अलिगढ जिल्लाको मद्रक क्षेत्रको वास्तविकता हो। 

जहाँ एक ज्वाइँ विवाहअघि नै आफ्नी हुनेवाला सासूसँग भागे। बेमेल सम्बन्ध र विश्वासघातको यो घटनाले सम्पूर्ण गाउँमा सनसनी मच्चायो। प्रहरीले यस मुद्दाको अनुसन्धान गरिरहेको छ।

वास्तवमा, अलिगढको मद्रक क्षेत्रको एक गाउँमा बस्ने एक पुरुषकी छोरीको विवाह अप्रिल १६ मा हुनेवाला थियो। परिवार खुशी थियो। विवाहका कार्डहरू छापिएका थिए, आफन्तहरूलाई निम्तो गरिएको थियो। 

तर एक दिन दुलहीकी आमा र हुनेवाला ज्वाइँ लाखौँ मूल्यका गहना र नगद लिएर भागे। सुरुमा पीडित श्रीमानले सोचे सायद श्रीमती आफन्तलाई भेट्न गइन् । 

जब छोरीको हुनेवाला दुलहा पनि बेपत्ता भयो, तब सम्पूर्ण घटना बाहिर आयो।सुरुमा पीडितलाई यस्तो गम्भीर घटना हुनसक्ने अनुमान थिए । 

पीडितकी छोरीलेले आमाले घरमा राखेका पैसा र गरगहना पनि आफूसँगै लगेकी बताइन् । उनले भनिन्, “उनीहरु मरोस् या बाँचोस्, हामीलाई केही फरक पर्दैन...हामी हाम्रो सामान फिर्ता चाहन्छौँ ।” 

केही दिनअघि, हुनेवाली दुलहीकी आमाले आफ्नो हुनेवाला ज्वाइँलाई स्मार्टफोन उपहार दिएकी थिइन्। 

पीडितले उजुरीमा भनेका छन्, “जुन केटासँग छोरीको विवाह हुनेवाला थियो, त्यो केटा मेरी श्रीमतीसँग कुरा गर्थ्यो। म गाउँमा बस्दिनँ। म बाहिर काम गर्छु। तीन महिनापछि गाउँ आउँदा मलाई थाहा भयो कि मेरी श्रीमती आफ्नो हुनेवाला ज्वाइँसँग बढी कुरा गर्थिन्। मलाई पनि यसबारे शंका थियो।”

उनले श्रीमतीले गहना र नगद पैसा लगेको उल्लेख गर्दै भनेका छन्, “केटाले मेरी श्रीमतीसँग २४ घण्टामा २०-२२ घण्टा कुरा गर्थ्यो। उसले मेरी छोरीसँग कुरा गरेन। मेरी श्रीमती र त्यो केटा घरमा राखिएको ३.५ लाख रुपैयाँ नगद र करिब ५ लाख रुपैयाँ बराबरको गहना लिएर भागेका छन् ।” 

पीडित श्रीमानले हुनेवाला ज्वाइँले “हाम्रो विवाह भएको २० वर्ष भइसक्यो र तिमीले उनलाई धेरै दुःख दियौ। अब उसलाई बिर्सनुहोस्।” भनेको समेत बताएका छन् । प्रहरीले यो सम्पूर्ण मामिलालाई गम्भीरतापूर्वक लिइरहेको बताएका छन् । 

मद्राक प्रहरी चौकीमा हराएको व्यक्तिको रिपोर्ट दर्ता गरिएको छ। मुद्दा दर्ता गरेपछि प्रहरीले महिला र युवकको खोजी सुरु गरेको छ।