काठमाडौँ / आइएमई लाइफ इन्स्योरेन्स कम्पनी लिमिटेडले २५ लाख रुपैयाँ बराबरको घातक रोग बिमाङ्क रकम भुक्तानी गरेको छ ।
बैंकले बागमती प्रदेशस्थित हेटौडा शाखा कार्यालयबाट २०७६/१०/२९ गते आइएमई धन सरिता ( वार्षिक अग्रिम भुक्तानी सावधिक) जीवन बीमा योजना र सो योजना अन्तर्गत घातक रोगको रक्षावरण समेत हुने गरी गरिएको बीमाङ्क रकम भुक्तानी गरेको हो ।
बिमाङ्क रकम २५ लाख रुपैयाँ बराबरको बीमा गरेका हिमाल पौडेललाई भुक्तानी गरिएको कम्पनीले जनाएको छ । बीमा गरेको करिब १४ महिनाको अवधिमा नै क्यान्सर प्रमाणित भएका बीमितलाई कम्पनीले उक्त दाबी भुक्तानी गरेको हो ।
कम्पनीले पछिल्लो समय विभिन्न २१ घातक रोगहरु विरुद्ध रक्षावरण हुने बीमालेख योजना ल्याएको छ ।
कम्पनीले दाबी भुक्तानी प्रकृया सहज बनाई छिटो तथा प्रभावकारी ढंगगबाट दावी भुक्तानी फछ्र्यौट गर्ने लक्ष्य लिएको प्रमुख कार्यकारी अधिकृत कवि फुयाँलले जानकारी दिए । उनले दाबी भुक्तानी समयमा नै हुँदा बीमित तथा आश्रित परिवारहरुलाई बीमा वापतको लाभ समयमा उपलब्ध हुने, आर्थिक स्तरमा समेत थप सहयोग हुने र जीवन बीमाप्रति थप भरोसा रहने जानकारी दिए ।
