काठमाडौं / समृद्धि फाइनान्सले ९ वर्षमा पैसा तेब्बर, १४ वर्षमा पाँच गुणा र १८ वर्षमा आठ गुणा हुने निक्षेप योजना पनि सार्वजनिक गरेको छ ।
फाइनान्सले रेमिट्यान्स मुद्दती निक्षेप योजना अन्तर्गत ९ वर्षमा पैसा तेब्बर, १४ वर्षमा पाँच गुणा र १८ वर्षमा आठ गुणा हुनेनिक्षेप योजना सार्वजनिक गरेको कम्पनीले जानकारी दिएको हो ।
ती योजनाका लक्षित ग्राहक विदेशमा काम गर्ने व्यक्तिको परिवारका सदस्य, रेमिट्यान्स ग्राहक, दीर्घकालीन लगानीमा रुचि राख्ने रेमिट्यान्स आम्दानी भएका ग्राहक र विदेशमा काम गर्ने व्यक्ति रहेको बताइएको छ ।
साथै विदेशमा काम गर्ने व्यक्तिहरुले आफ्ना छोराछोरीहरूको भविष्यको शिक्षाको लागि पैसा जम्मा गर्न चाहने ग्राहकहरूलाई पनि आकर्षित गर्नु हो र न्यूनतम ५० हजारदेखि नै खाता खोल्न सकिने छ ।
समृद्धि फाइनान्सको पाँच वटै शाखाबाट यो सेवा लिन सक्ने व्यवसाय प्रवद्र्धन विकासका अधिकृत सुरज कुमार सर्राफले जानकारी गराएका छन ।
मुद्दती निक्षेपमा १२ दशमलव २५ प्रतिशत र बचत निक्षेपमा १० प्रतिशत ब्याजदर सहितका विभिन्न बचत खाताहरु समेत संचालनमा ल्याएको छ ।
फाइनान्सले हाल पाँच वटा शाखाबाट सेवा प्रवाह गर्दै आएको र शाखा सञ्जाल विस्तार गर्दै आएको छ भने निकट भविष्यमा जनकपुर, इटहरी र बनेपामा शाखा सञ्चालनमा ल्याउने कम्पनीको योजना छ ।
