काठमाडौँ / आगामी आर्थिक वर्ष २०८०/८१ मा कृषि तथा पशुपन्क्षी विकास मन्त्रालयका लागि ५८ अर्ब ९८ करोड बजेट बिनियोजन गरिएको छ ।
अर्थमन्त्री रामशरण महतले आज आगामी आर्थिक वर्ष २०८०/८१ को बजेट सार्वजनिक गर्दै मन्त्रालयलाई ५८ अर्ब ९८ करोड बजेट बिनियोजन गरेको बताएका हुन् ।
नेपालमा हुने पशुपालनमा आउने महामारीबाट हुने क्षती रोक्न खोप कार्यक्रम सञ्चालन गर्ने र यसका लागि उक्त खोप उत्पादनको लागि बजेट विनियोजन गरेको अर्थमन्त्रीले बताएका छन् ।
यस्तै, सरकारले कृषि क्षेत्रको विकासका लागि संघ, प्रदेश र स्थानीय तहको संलग्नतामा एकीकृत कार्यक्रम सञ्चालन गर्ने समेत घोषणा गरेको छ ।
