काठमाडौँ / नेपाली बजारमा आज सुनको मूल्यले ऐतिहासिक रेकर्ड कायम गरेको छ । नेपाल सुनचाँदी व्यवसायी महासङ्घका अनुसार आइतबारको तुलनामा प्रतितोला ५ सय रुपैयाँ बढेपछि सुनको मूल्यले नयाँ रेकर्ड बनाएको छ । सिजनकै समयमा सुनको भाउ महँगिदा उपभोक्ता मारमा पर्ने व्यवसायीहरू बताउँछन् ।

मूल्य उच्च हुँदा बजारमा सुन खरिद गर्ने उपभोक्ताको चहलपहलसमेत घटेको उनीहरूको भनाइ छ । यसअघि कार्तिक ११ र १२ गते गते नेपाली बजारमा सुनको भाउ प्रतितोला १ लाख १७ हजार रुपैयाँ पुगेको छ । 

हिजो आइतबार भने छापावाल सुन प्रतितोला १ लाख १६ हजार ९ सय रुपैयाँ र तेजावी सुन १ लाख १६ हजार ३ सय ५० रुपैयाँ रहेको थियो । आज तेजावी सुनको भाउ १ लाख १६ हजार ८ सय ५० रुपैयाँ पुगेको छ । 

सुनको भाउसँगै चाँदीको मूल्य पनि उच्च भएको छ । आइतबार १ लाख १४ हजार ८४ रुपैयाँमा कारोबार भएको चाँदीको भाउ आज १५ रुपैयाँले बढेर १ हजार ५ सय रुपैयाँ पुगेको हो ।