काठमाडौँ / साताको अन्तिम कारोबार दिन शुक्रबार नेपाली बजारमा सुनको भाउ बढेको छ भने चाँदीको भाउ स्थिर रहेको छ । नेपाल सुनचाँदी व्यवसायी महासङ्घका अनुसार बिहीबारको तुलनामा शुक्रबार छापावाल सुनको भाउ प्रतितोला २ सय रुपैयाँले बढेको हो ।
यसअघि प्रतितोला १ लाख १८ हजार ६ सय रुपैयाँ रहेको छापावाल सुनको भाउ आज बढेर १ लाख १८ हजार ८ सय रुपैयाँ पुगेको छ । त्यस्तै, यसअघि प्रतितोला १ लाख १८ हजार ५० रुपैयाँ तोकिएको तेजावी सुनको भाउ १ लाख १८ हजार ३ सय ५० रुपैयाँ पुगेको छ ।
यता, चाँदीको भाउ भने स्थिर रहेको महासङ्घले जनाएको छ । आज चाँदी प्रतितोला १ हजार ४ सय ६० रुपैयाँमा कारोबार हुनेछ ।
.gif)
