काठमाडौँ / सरकारले यो वर्षका लागि गहुँ बालीको न्यूनतम सर्मथन मूल्य निर्धारण गरेको छ।
यस वर्ष सरकारले गहुँको समर्थन मूल्य ३ हजार ६ सय ५० रुपैयाँ १४ पैसा निर्धारण गरेको छ । या रकम गत बर्षको भन्दा करिब ३ सय रुपैयाँ बढि हो ।
सरकारले गत वर्ष ३ हजार ३ सय ५० रुपैयाँदेखि ३ हजार ३ सय ५१ रुपैयाँ न्यूनतम समर्थन मूल्य निर्धारण गरेको थियो ।
यो वर्ष गहुँको प्रतिक्विटल उत्पादन २ हजार ९ सय ७७ रुपैयाँ ७२ पैसा, उत्पादन लागत प्रतिक्विटल ५ सय ९४ रुपैयाँ ५४ पैसा र प्रतिक्विटल ढुवानी लागत ७६ रुपैयाँ ८८ पैसा गरी ३ हजार ६ सय ५० रुपैयाँ १४ पैसा प्रतिक्विन्टल मूल्य निर्धारण गरिएको कृषि तथा पशुपन्छी विकास मन्त्रालयले जनाएको छ ।
