काठमाडौँ / कालीमाटी फलफूल तथा तरकारी बजार विकास समितिको मूल्यसूची अनुसार आज शुक्रबार बन्दा, फर्सी, रायोको साग, काउलीलगायतका तरकारीको भाउ निकै सस्तिएको छ । कालीमाटीले सार्वजनिक गरेको मूल्यसूचीमा घटेको यी तरकारीहरू बजारमा भने ३५ रुपैयाँभन्दा माथि रहेको छ । 

मूल्यसूची अनुसार आज ठूलो भारतीय गोलभेडा, पिंडालू, बकूला र कन्य च्याउको औसत मूल्य ८५ रुपैयाँ कायम गरिएको छ । 

त्यस्तै, सानो लोकल गोलभेडा ३० रुपैयाँ, सानो गोलभेडा ४० रुपैयाँ, रातो आलु ५२ रुपैयाँ ६७ पैसा, रातो आलु भारतीय ४२ रुपैयाँ ६७ पैसा, सुकेको प्याज (भारतीय) ७१ रुपैयाँ, लोकल गाजर ११० रुपैयाँ, तराई गाजर, तितो करेला, तराई परवर र जिरीको साग ९५ रुपैयाँ, लोकल बन्दा २५ रुपैयाँ, तराई बन्दा १७ रुपैयाँ ६७ पैसा, नरिवल बन्दा २२ रुपैयाँ ३३ पैसा, स्थानीय काउली २५ रुपैयाँ र स्थानीय ज्यापु काउली ३५ रुपैयाँ पर्नेछ । 

त्यस्तै, तराई काउलीको औसत मूल्य प्रतिकेजी २२ रुपैयाँ ६७ पैसा, रातो मूला ३२ रुपैयाँ ६७ पैसा, सेतो लोकल मूला ३२ रुपैयाँ ६७ पैसा, सेतो हाइब्रीड मूला ४० रुपैयाँ, लाम्चो भन्टा, टाटे सिमी, बरेला र ब्रोकाउली ४५ रुपैयाँ, डल्लो भन्टा, राजमा सिमी, लौका र पाकेको फर्सी ५५ रुपैयाँ, मकै बोडी, मटरकोशा, घिउ सिमी, रातो बन्दा र हरियो प्याज ६५ रुपैयाँ पर्नेछ । 

यसैगरी, हरियो फर्सी १७ रुपैयाँ ६७ पैसा, सलडगम ९५ रुपैयाँ, सखरखण्ड ७५ रुपैयाँ, भिण्डी १०५ रुपैयाँ, स्कूस ३५ रुपैयाँ, रायोको साग २० रुपैयाँ, पालूगो, चमसूर, मेथीको साग र तरुल ७५ रुपैयाँ, तोरीको साग ३५ रुपैयाँ, डल्ले च्याउ ३७६ रुपैयाँ ६७ पैसा, चुकुन्दर ७५ रुपैयाँ र सजिवन २४५ रुपैयाँ पर्ने मूल्यसूचीमा उल्लेख छ । 

विस्तृत तालिकामा हेर्नुस्