काठमाडौँ / दुई कम्पनीले नेपाल धितोपत्र बोर्डबाट हकप्रद शेयर निष्काशनका लागि अनुमति पाएका छन् ।
बोर्डबाट रिडी पावर र अरुण भ्याली हाइड्रोपावर डेभलपमेन्ट कम्पनीले हकप्रद शेयर निष्काशनको लागि अनुमति पाएका हुन् । यी दुबै कम्पनीले बोर्डबाट पुस १९ गते अनुमति पाएका हुन् ।
नेपाल धितोपत्र बोर्डबाट अरुण भ्याली हाइड्रोपावरले हाल कायम चुक्ता पुँजीको १०० प्रतिशत हकप्रद शेयर जारी गर्न अनुमति पाएको हो ।
कम्पनीले हाल कायम चुक्ता पूँजी १ अर्ब ८६ करोड ७९ लाख ६२ हजार ६०० रुपैयाँ बराबरको शत प्रतिशत अर्थात एक कित्ता शेयर बराबर एकको अनुपातमा हकप्रद शेयर निष्काशन गर्न अनुमति पाएको हो ।
हकप्रद बिक्री प्रबन्धकमा मुक्तिनाथ क्यापिटल रहेको छ। त्यस्तै, बोर्डबाट रिडी पावर कम्पनीले ५० प्रतिशत हकप्रद शेयर निष्काशन गर्नस्वीकृति पाएको हो ।
कम्पनीले हाल कायम चुक्ता पूँजी १ अर्ब ५४ करोड ८९ लाख रुपैयाँ बराबरको १ करोड ५४ लाख ८९ हजार १२ कित्ता शेयरको ५० प्रतिशतले हुन आउने १०० रुपैयाँ अंकित दरका ७७ लाख ४४ हजार ५०६ कित्ता शेयर निष्काशन गर्नेछ ।
.gif)
