.jpg)
काठमाडौँ / निर्जीवन बीमा कम्पनीले चालु आर्थिक वर्षको ७ महिनामा २२ अर्ब ४६ करोड २८ लाख रुपौयाँ कुल बीमाशुल्क आर्जन गरेका छन्।
नेपाल बीमा प्राधिकरणको तथ्याङ्क अनुसार चालु आर्थिक बर्ष २०८०/८१ को माघ मसान्तसम्ममा निर्जीवन बीमा कम्पनीहरुको आर्जन गरेको ठूलो हिस्सा भने मोटर बीमाले ओगटेको देखाएको छ ।
तथ्याङ्क अनुसार मोटर बीमाबाट माघ महिनासम्ममा निर्जीवन बीमा कम्पनीहरुले ७ अर्ब २९ करोड ६९ लाख ३२ हजार रुपैयाँ बीमाशुल्क आर्जन गरेका छन् । यो निर्जीवन बीमा कम्पनीहरुले संकलन गरेको कुल बीमाशुल्कको ३२.४८ प्रतिशत हो ।
यता, मोटर बीमापछि निर्जीवन बीमा कम्पनीहरुले सम्पत्ति बीमाबाट सबैभन्दा धेरै सम्पत्ति बीमाबाट आर्जन भएको तथ्यांकले देखाएको छ । सम्पत्ति बीमाबाट ५ अर्ब ५० करोड ८९ लाख रुपैयाँ बराबरको बीमाशुल्क आर्जन गरेका छन् । यो निर्जीवन बीमाहरुले आर्जन गरेको कुल बीमाशुल्कको २४.५२ प्रतिशत हुन आउछ।
यस्र्त, इन्जिनियरिङ्ग बीमाको पनि १४.२५ अर्थात ३ अर्ब २० करोड २८ लाख रुपैयाँ योगदान रहेको छ भने, विविध बीमाको ११.९१ प्रतिशत, हवाईको ६.२६ प्रतिशत, सामुन्द्रिक बीमाको २.२६ प्रतिशत र कृषि तथा बालि बीमाको ४.९१ प्रतिशत योगदान रहेको छ।
निर्जीवन बीमा व्यवसाय गर्ने बीमकहरूले माघ महिनासम्म विभिन्न बीमालेखहरूबाट संकलन गरेको कुल बीमाशुल्कको प्रदेशगत विवरण
स्रोतः नेपाल बीमा प्राधिकरण
.gif)
