चर्चित समाचार
  • एमएडब्लूले ल्यायो आकर्षक फिचर्ससहितको चांगानको इलेक्ट्रिक एसयूभी ‘दिपल एस०७’, मूल्य कति ?

    एमएडब्लूले ल्यायो आकर्षक फिचर्ससहितको चांगानको इलेक्ट्रिक एसयूभी ‘दिपल एस०७’, मूल्य कति ?

    सोमवार, चैत १९ २०८०
    सोमवार, चैत १९ २०८०
  • images
    images
    एमएडब्लूले ल्यायो आकर्षक फिचर्ससहितको चांगानको इलेक्ट्रिक एसयूभी ‘दिपल एस०७’, मूल्य कति ?

    काठमाडौँ / नेपालका लागि चिनियाँ गाडी निर्माता चांगानको आधिकारिक विक्रेता एमएडब्लू वृद्धि अटोकर्प प्रालिले ‘इन्टिलिजेन्ट’ र ‘लक्जरियस’ इलेक्ट्रिक एसयूभी ‘दिपल एस०७’ बजारमा ल्याएको छ । 

    बहुप्रतिक्षित ‘इन्टिलिजेन्ट इलेक्ट्रिक’ एसयूभी आइतबार एक समारोहका बिच नेपालका लागि चिनियाँ राजदूत सेन सङ, चांगान अटोका डेपुटी जनरल म्यानेजर गुआनसिन, एमएडब्लू ग्रुपका कार्यकारी निर्देशक विष्णु अग्रवाल र एमएडब्लू वृद्धिका कार्यकारी निर्देशक विवेक सिकारियाले संयुक्त रूपमा सार्वजनिक गरेका हुन् ।  

     ‘टच द फ्युचर’ ट्यागलाइनसहितको दिपल एस०७ सार्वजनिकीकरण नेपालमै पहिलो पटक कारमाथि ‘थ्रीडी म्यापिङ प्रोजेक्सन’ गरी गरिएको थियो।

    दिपल एस०७ मा नेपाली अटोमोबाइलमा पहिलो पटक प्रयोग भएका दर्जनौं फिचर छन् जसले ‘इलेक्ट्रिक मोबिलिटी’ मा केसम्म सम्भव छ भन्ने देखाउनेछ ।

    दिपल एस०७ सार्वजनिकीकरण कार्यक्रममा एमएडब्लू ग्रुपका कार्यकारी निर्देशक विष्णु अग्रवालले दिपल एस०७ एउटा इभि मात्र नभएर नेपालमा इलेक्ट्रिक मोबिलिटीको भविष्य चित्रण गर्ने तथा नेपाली इभि क्षेत्र रूपान्तरण गर्ने दृष्टान्त भएको बताए । 
     
    साथै, उनले पर्फर्मेन्स र लक्जरीको सीमा फराकिलो पार्ने मात्र होइन, नेपालमा पहिले कहिल्यै नदेखिएको र अनुभव नगरिएको इन्टिलिजेन्स र इनोभेसनले भरिएको कार ल्याएकोमा गर्व लागेकोसमेत उल्लेख गरे । 

    चांगान अटोका डेपुटी जनरल म्यानेजर गुआन सिनले चांगानका लागि नेपाली बजार महत्त्वपूर्ण र भरपर्दो भएको दाबी गरे । 

    नेपाली बजारमा अझ धेरै चांगानका गुणस्तरीय, सुरक्षित र उच्च प्रविधिका गाडी ल्याउने लक्ष्य लिएको जानकारी दिँदै उनले ग्राहकको अनुभव र बिक्रीपछिको सेवालाई पनि उत्तिकै दिने बताए । 

    यस्ता छन् फिचरहरू 

    दिपल एस०७ मा ईभी डेडिकेटेड ‘ईपीए१ प्ल्याटफर्म’ र ‘रियर ह्विल ड्राइभ सिस्टम’ छ जसको माथि ६६.८ किलोवाट आवरको ब्याट्री प्याक छ र यसले सिंगल चार्जमा ४ सय १० किलोमिटर रेन्ज (डब्लूएलटीपी) दिन्छ ।

    अटोमोबाइल डिजाइनको ‘हेरिटेज’ मानिने इटालीको टुरिनमा डिजाइन भएको दिपल एस०७ मा नेपालमै पहिलो पटक प्रयोग भएका दर्जनौँ फिचर भएको कम्पनीले बताएको छ । 

    संगीत, फोन कल र फोटो खिच्ने लगायत फंक्सनका लागि एस०७ को ‘जेस्चर कन्ट्रोल’ का माध्यमबाट हातको संकेतले कमान्ड लिन सक्छ । साथै, यसमा ‘अग्मेन्टेड रियालिटी हेडअप डिस्प्ले’ (एआर एचयूडी) छ । यसले ‘रियल टाइम नेभिगेसन’ लगायत महत्वपूर्ण सूचना दिन्छ जसले ड्राइभिङलाई सहजमात्र बनाउँदैन सुरक्षित पनि बनाउँछ ।

    क्याबिनको बीचमा १५.६ इन्चको ‘सनफ्लावर टचस्क्रिन’ छ, जुन टचस्क्रिन ‘इन्टर्‍याक्ट’ गर्ने यात्रुतिर आफैँ फर्किन्छ । 

    दिपल ०७ मा ‘वेलकमिङ सिट’ पनि छ, जसले ड्राइभरलाई गाडीभित्र छिर्न सहज बनाउनुका साथै उसको उचाइअनुसार सिटको पोजिसन पनि आफैँ मिलाइदिन्छ ।

    यसमा पछाडिमात्र होइन, अगाडि बोनेटमा पनि सामान राख्न १ सय २५ लिटरको ‘फ्रंक’ स्पेस छ । यसमा रहेको २० इन्चको विशाल टायरले ईभीलाई आकर्षकमात्र बनाउँदैन, यसको पर्फर्मेन्समा पनि सुधार ल्याउँछ ।

    नेपालमै पहिलो पटक दिपल एस०७ मा अन्य कुनै पनि इभिमा नभएको चार ‘ड्राइभिङ मोड’ (इको, कम्फर्ट, स्पोर्ट र कस्टमाइज) छ, जसले ड्राइभरलाई चाहेको जस्तो ड्राइभिङ अनुभव दिलाउँछ ।

    Car news.jpg

    दिपल एस०७ मा प्रयोग भएको ‘फ्रेमलेस डोर’ र ‘फ्लस ह्यान्डल’ ले यो ई–एसयूभीको आकर्षण र ‘एरोडाइनामिक्स इफिसेन्स’ बलियो बनाएको छ । साथै, यसमा ‘हेडरेस्ट स्पिकर’ र ‘आउटडोर स्पिकर’ सहित १४ वटा हाई क्वालिटी सोनी स्पिकर छन् ।

    कारभित्रको वातावरण ‘कस्टमाइज’ गर्न ‘न्याप, क्याम्प, बेबी केयर, म्युजिक लाइट शो’ जस्ता ‘इन्टिलिजेन्ट सिनारियो मोड’ छन् । साथै, पछाडिको सिटबाट अगाडिको सिट ‘एडजस्ट’ गर्न मिल्ने र ‘सनसेड’ खोल्न र बन्द गर्न सकिने टचस्क्रिन रहेको छ ।

    सुरक्षाका लागि दिपल एस०७ मा ‘इन्टर्‍याक्टिभ एडप्टिभ क्रुज कन्ट्रोल’ सहित ‘इन्टिलिजेन्ट एडास २.५’, ६ वटा एयरब्याग, ‘अटोमेटिक इमर्जेन्सी ब्रेकिङ’, ‘ड्राइभर फ्याटिग मनिटरिङ सिस्टम’, ‘सेफ डिस्ट्यान्स वार्निङ’, ‘ट्रान्सपेरेन्ट च्यासिस’ सहित ३६० क्यामेरा, ‘ड्राइभ भिडियो रेकर्डर’, ‘डिस्ट्र्याक्स वार्निङ’ लगायतका फिचरहरू रहेको कम्पनीले जनाएको छ । 

    मूल्य कति ? 

    नेपालमा दिपल एस०७ को सुरुवाती मूल्य कम्पनीले ७१ लाख ९९ हजार रुपैयाँ तोकेको छ भने यो आकर्षक ६ रङमा उपलब्ध हुनेछ ।

    चांगान सन् १८६२ मा स्थापना भएको चीनको सबैभन्दा पुरानो अटोमोबाइल उत्पादक हो जससँग ४० वर्षको कार निर्माणको अनुभव छ ।

    चांगानले दिपल र अवतार जस्ता ब्रान्डका लागि ‘टेक्नोलोजी जायन्ट’ ह्वावे, विश्वको सबैभन्दा ठूलो ब्याट्री निर्माता ‘सीएटीएल’ र ‘टेन्सेन्ट’ (विच्याट) सँग सहकार्य गर्दै आएको छ ।

    तपाईको प्रतिक्रिया लेख्नुहोस
    images
    images
    images
    images
    images
    साताको लोकप्रीय
    थप समाचार