काठमाडौँ / महालक्ष्मी विकास बैङ्क र एनआईसी एशिया क्यापिटल लिमिटेडबिच एसआइपीमा पहुँच वृद्धि गर्न सहकार्य गर्नेसम्बन्धी सम्झौता भएको छ । बैङ्कले र क्यापिटलसँग बैङ्कका ग्राहकहरूको व्यवस्थित लगानी (एसआइपी) योजनामा पहुँच अभिवृद्धि गर्न सहकार्य गर्ने भएको हो ।
एनआईसी एशिया क्यापिटलद्वारा सञ्चालित खुलामुखी योजना एनआईसी एशिया डाइनामिक डेप्ट फण्डको महालक्ष्मी विकास बैङ्कले वितरण एजेन्टको रूपमा कार्य गर्न एक समझदारी पत्रमा हस्ताक्षर भएको छ ।
महालक्ष्मी विकास बैङ्कको शाखा सञ्जालहरूको अधिकतम् उपयोग गरी लगानीका अवसरहरूको थप विस्तार तथा विविधिकरण हुने लक्ष्य यो समझदारीबाट लिइएको छ ।
देशभर रहेका लगानीकर्ताहरूको एनआइसी एसिया डाईनामिक डेप्ट फण्डमा सहज पहुँच भई वित्तीय समावेशीता तथा वित्तीय सशक्तीकरणको माध्यमबाट समग्र वित्तीय क्षेत्रमा योगदान पुग्ने विश्वास समेत लिइएको छ । हाललाई यो सेवा बैङ्कको दरबारमार्ग शाखामार्फत र क्रमश देशभरका शाखा कार्यालयहरूमार्फत प्रदान गरिनेछ ।
‘सबल बैङ्क, सफल सहकार्य’को नारालाई आत्मसाथ गर्दै नेपाली जनताको घरदैलोमा विगत २९ वर्षदेखि अनवरत रूपले गुणस्तरीय वित्तीय सेवा प्रदान गर्दै आएको यस बैङ्कको देशभर १०३ वटा शाखा कार्यालयहरू र करिब ७ लाख ग्राहकहरू रहेकाछन् । साथै, पुस २८ गते सम्पन्न बैङ्कको २२ औ वार्षिक साधारण सभाबाट विदेशी बैङ्क वा वित्तीय संस्थालाई रणनीतिक साझेदारको रूपमा ल्याउन प्रस्ताव समेत पारित भएको छ ।
