images
Logo
images
images
images

नेपालमा आफ्नो उपस्थिति बलियो बनाउन जेसिबीले ल्यायो १० हजार घण्टाको वारेन्टी योजना

नेपालमा आफ्नो उपस्थिति बलियो बनाउन जेसिबीले ल्यायो १० हजार घण्टाको वारेन्टी योजना

बुधवार, बैशाख ५ २०८१
बुधवार, बैशाख ५ २०८१
  • images
    images
    नेपालमा आफ्नो उपस्थिति बलियो बनाउन जेसिबीले ल्यायो १० हजार घण्टाको वारेन्टी योजना

    काठमाडौँ / निर्माण उपकरण उत्पादनमा विश्वबजारको अग्रणी ब्राण्ड जेसीबीले आफ्नो आधिकारिक वितरक एमएडब्लू अर्थ मुभर्सद्वारा नेपालमा आफ्नो उपस्थिति थप बलियो बनाउने भएको छ ।

    images
    images

    नेपाली बजारलाई सहयोग गर्ने उद्देश्यले जेसिबी इन्डियाले ट्र्याक गरिएका केही एक्साभेटरहरूको लागि ५ वर्ष वा १० हजार घण्टाको वारेन्टी योजना ल्याएको छ ।

    एमएडब्लू अर्थ मुभर्सले विगत दुई दशक वर्षदेखि नेपालमा जेसीबीका निर्माण उपकरणहरू वितरण गर्दै आएको छ । एमएडब्लूको केन्द्रिय कार्यालय काठमाडौँमा छ भने नेपालभरि ३२ वटा शाखा कार्यालयहरू छन् ।

    यसैगरी, तीनवटा अपरेटर प्रशिक्षण संस्थानहरू छन् जहाँ युवाहरूलाई जेसीबी मेसिन चलाउन तालिम दिइन्छ । एमएडब्लूले नेपालमा आफ्नो चौँथो अपरेटर ट्रेनिङ सेन्टर चितवनमा छिट्टै उद्घाटन गर्दैछ ।

    जेसीबी इन्डियाका प्रमुख कार्यकारी अधिकृत दिपक शेट्टीले नेपाल भ्रमणको क्रममा भने, “ नेपाल हाम्रो लागि दक्षिण एसियाली क्षेत्रको महत्वपूर्ण बजार हो । यस क्षेत्रमा नेपालको नौलो पहिचान र स्थान छ, र हामीले हाम्रा ग्राहकहरूका लागि यहाँ सधैं अत्याधुनिक प्रविधियुक्त र उन्नत उत्पादनहरू प्रस्तुत गर्दै आएका छौँ । हामी हाम्रो आधिकारिक डिलर एमएडब्लू अर्थ मुभर्समार्फत हामीले निरन्तर राम्रो सम्बन्ध कायम राख्न सफल भएका छौँ ।”

    नेपालमा जेसीबीका १० हजार ५०० भन्दा धेरै उपकरणहरू सञ्चालनमा छन् । जसमध्ये व्याकहो लोडर्स, एक्साभेटर, विल्ड लोडर्स, र टेलिह्याण्डलर्स प्रसिद्ध छन् । यी सम्पूर्ण उपकरणहरूका पार्ट–पूर्जा र सर्भिसमा एमएडब्लू अर्थ मुभर्सका राष्ट्रव्यापी आउटलेट सञ्जालमार्फत सर्भिस भ्यानहरू परिचालन गरी ग्राहकहरूलाई सेवा सहायता प्रदान गरिन्छ ।”
     
    जेसीबीका उपकरणहरूमा जेसीबी लाईभलिङ्क नामक अत्याधुनिक प्रविध जडित हुन्छ, जसले मेसिनहरूको सेवा, सञ्चालन र सुरक्षाको बारेमा तत्कालै जानकारी प्रदान गर्छ ।

    शेट्टीले नेपाली बजारको बारेमा बोल्दै थपे, “नेपाली बजारमा निर्माण प्रक्रियाका विभिन्न चरणहरूमा रहेका पूर्वाधार परियोजनाले गर्दा आगामी वर्षहरूमा बृद्धिको बलियो अवसर रहेको देखिन्छ र जेसीबी यस प्रक्रियाको हिस्सा बन्न तत्पर छ ।”

    एमएडब्लूका प्रिन्सिपल डिलर विष्णु अग्रवालले भने, “विश्वस्तरीय जेसीबीका उपकरणहरूद्वारा ग्राहकहरूलाई सहायता गर्नेवाहेक हामीले नेपाली युवा जनशक्तिहरूलाई देशमै रोजगारका अवसरहरू प्रदान गर्न पाउँदा निकै गर्व गर्छौँ । एमएडब्लूले हाल करिब ५०० जनालाई रोजगारी दिएको छ भने चालकहरूका लागि तीनवटा विश्वस्तरीय प्रशिक्षण केन्द्रहरूमा पनि लगानी गरेको छ । यी अपरेटर प्रशिक्षण केन्द्रहरूमा चालकहरूलाई जेसीबीका मेसिनहरू कसरी सुरक्षित रूपमा सञ्चालन गर्ने भनेर सिकाइन्छ । हालसम्म हामीले झण्डै ५ हजार चालकहरूलाई तालिम प्रदान गरिसकेका छौँ ।”

    तपाईको प्रतिक्रिया लेख्नुहोस
    images
    images
    images
    images
    images
    images
    images
    images
    images
    साताको लोकप्रीय
    थप समाचार