लगातार वर्षाको कारण भक्तपुर जिल्लाको विभिन्न ठाउँमा बाढि तथा पहिरोले क्षती पुर्याएको छ ।
उक्त ठाउँहरुमा सशस्त्र प्रहरी बल नेपाल नं. २२ गुहेश्वरी गणा दुवाकोट भक्तपुरको सुरक्षा फौज परिचालित रहि उद्धार कार्य गरिरहेको छ ।
असार २६ गते चागुनारायण नगरपालिका–१ दुवाकोटस्थित राई टोलमा मनोहरा खोलामा पानीको बहाव बढि खोला नजिकै रहेका घरहरुमा क्षती पुर्याउन लागेपछि सो क्षेत्रमा बोरा तथा तारजाली लगाई तटबन्धन निर्माण गरिएको जनाएको छ ।
त्यसैगरी चागुनारायण नगरपालिका–४ मा समेत मनोहरा खोलामा पानीको बहाव बढि नजिकै रहेका बस्तीमा क्षती पुग्न लागेपछि सो क्षेत्र सशस्त्र प्रहरी तथा स्थानीय वासिन्दाले तटबन्धन निर्माण गरेका छन् ।
यसअघि चाँगुनारायण नगरपालिका–६ नगरकोटमा असार २४ गते पहिरो गई अवरुद्ध भएको सडक सशस्त्र प्रहरीले सुचारु गरेको थियो ।
नगरकोटबाट कात्तिके भन्ज्याङ्ग हुँदै साँखु जाने सडकमा पहिरो जाँदा सोही स्थानमा रहेको सेरेनी रिसोर्टको भवनमा समेत क्षती पुगेको थियो ।