काठमाडौँ / काठमाडौँमा दसैँपछि केही तरकारीको भाउ घटेको छ भने केहीको बढेको छ । कालीमाटी फलफूल तथा तरकारी बजार विकास समितिले प्रकाशित गरेको मूल्यसूची अनुसार रातो आलुको भाउ सामान्य घटेर प्रतिकेजी ९६ रुपैयाँ, रातो भारतीय आलुको ५६ रुपैयाँ ३३ पैसा र मुडेको आलु ७७ रुपैयाँ ६७ पैसामा झरेको छ । 

यसैगरी, सुकेको प्याज प्रतिकेजी १०२ रुपैयाँ, लोकल गाजर १२८ रुपैयाँ ३३ पैसा, लोकल गाजर १९ रुपैयाँ ६९ पैसा, मकै बोडी ४५ रुपैयाँ, लोकल परवर ६५ रुपैयाँ, मटरकोशा १९० रुपैयाँ, चिचिण्डो २५ रुपैयाँ र घिरौला ६५ रुपैयाँमा झरेको छ । 

यता, गोलभेडा, काउली, करेलालगायतका केही तरकारीको भाउ भने बढेको छ । सानो लोकल गोलभेडा प्रतिकेजी ७५ रुपैयाँ, टनेल गोलभेडा ८८ रुपैयाँ ३३ पैसा, स्थानीय काउली ११५ रुपैयाँ, रातो मूला ४५ रुपैयाँ, सेतो लोकल मूला ३५ रुपैयाँ, सिमी ८५ रुपैयाँ, राजमा सिमी २३५ रुपैयाँ, हरियो फर्सी ६५ रुपैयाँ, तितो करेला ७५ रुपैयाँ र लौका ४५ रुपैयाँ पुगेको छ । 

विस्तृत तालिकामा हेर्नुस्