काठमाडौँ / तनहुँको आँबुखैरेनीस्थित ऐना पहारामा भारतीय बस मर्स्याङ्दी नदीमा खसेको छ । आज बिहान पोखराबाट काठमाडौँका लागि छुटेको यूपी ५३ एफटी ७६२३ नम्बरको बस तनहुँको ऐनापहरा भन्ने स्थानबाट मर्स्याङ्दी नदीमा खसेको हो ।
उक्त दुर्घटनामा ११ जना बेपत्ता भएका छन् भने १४ जना अचेत हुनुका साथै १५ जना सामान्य घाइते भएको प्रहरीले जनाएको छ ।
घटनास्थलमा सशस्त्र र नेपाल प्रहरीको टोली उद्धारमा खटिएका छन् । सो बसमा करिब ४० जना यात्रु थिए । दुर्घटनाको कारण खुलेको छैन । हाल पोखरा–काठमाडौँ सडकमा विस्तारको काम भइरहेको छ । त्यसैले यात्रा कष्टकर छ ।
.gif)
