काठमाडौँ / प्राइम कमर्सियल बैंकले गत असोज ११ र १२ गते आएको बाढी तथा पहिरोबाट पीडितको राहत तथा पुर्स्थापनाका लागि ३१लाख रुपैयाँ सहयोग गरेको छ ।
प्रधानमन्त्री दैवी उद्धार कोषमा बैंकको तर्फबाट ३१ लाख रुपैयाँ आर्थिक सहयोग गरिएको बैंकका अध्यक्ष राजेन्द्रदास श्रेष्ठले जानकारी दिए ।
असोज ११ र १२ गते देशभर भएको अविरल बर्षापछि आएको भीषण बाढी पहिरोका कारण जनधनको ठूलो क्षति भएको छ ।
बैंकले बाढी पहिरोमा परी जनधन गुमाउने परिवारप्रति गहिरो दुःख व्यक्त गर्दै तत्काल राहत सहयोगार्थ उक्त रकम उपलब्ध गराएको जनाएको छ ।
