काठमाडौँ / सरकारले भन्सार घटाएसँगै नेपाली बजारमा सुनको मूल्यमा भारी गिरावट आएको छ । नेपाल सुनचाँदी व्यवसायी महासङ्घका अनुसार सुनको मूल्य तोलामा करिब १६ हजार रुपैयाँले घटेको हो ।
सरकारले सुनमा लाग्दै आएको भन्सार दर १० प्रतिशतले घटाएपछि आज सुनको भाउ तोलामा १५ हजार ९०० रुपैयाँ घटेको महाङ्घले जनाएको छ।
सोमबार सुनको भाउ प्रतितोला १ लाख ५१ हजार ३ सय रुपैयाँ निर्धारण गरिएको छ । अघिल्लो दिन आइतबार प्रतितोला १ लाख ६७ हजार २ सय रुपैयाँ थियो ।
सरकारले १० प्रतिशत भन्सार दर कायम गरेपछि सोअनुसार सोमबारदेखि नै महासङ्घले मूल्य समायोजन गरेको हो । यसअघि भने सुनमा २० प्रतिशत भन्सार दर लाग्दै आएको थियो ।
