काठमाडौँ / बालगायक सचिन परियारको निधन भएको छ। महाराजगञ्जस्थित टिचिङ अस्पतालमा बिहीबार बिहान करिब १० बजे उनको निधन भएको हो । उनको निधन भएको अस्पतालले पनि पुष्टि गरेको छ।
स्वास्थ्यमा जटिल समस्या देखिएपछि उनलाई बुधबार अस्पताल भर्ना गरिएको थियो । सचिनको स्वास्थ्य अवस्थामा समस्या आएको र उपचारको लागि रकम आवश्यकता भएको भन्दै उनको परिवारले केही समयअघि आर्थिक सहयोगसमे मागेका थिए ।
भाइरल बालगायकका रूपमा परिचित सचिनले गाएका गीतहरू समाजिक सञ्जालमा चर्चित छन् । सचिनले महानयक राजेश हमालसँग एक म्युजिक भिडियो अभिनय गरेका थिए भने हास्य श्रृखला ‘मेरी बास्सै’मा पनि अभिनय गरेका थिए। ‘रातो रबर एक’, ‘रुमाल खस्छ कि’, ‘के छ र हजुर’, ‘बरको छाँयाले’लगायत उनले गाएका प्रमुख गीत हुन्।
