काठमाडौँ / ग्लोकल आफ्टर स्कूल, ग्लोकल प्रा. लि. अन्तर्गतको संस्था, युवाहरूलाई २१औं शताब्दीका अत्यावश्यक सीप प्रदान गर्न समर्पित स्किल वीकको छैठौँ संस्करण सुरु भएको छ ।

जनवरी ६ देखि जनवरी १३, २०२५ सम्म सञ्चालन हुने यो सप्ताहव्यापी कार्यक्रमले शैक्षिक क्षेत्र र उद्योगबीचको दुरी घटाउँदै विभिन्न कार्यशाला, प्रतियोगिता, र नेटवर्किङका अवसरमार्फत रोजगार क्षमता अभिवृद्धि गर्ने लक्ष्य राखेको छ । 

कार्यशालादेखि जनवरी १२ मा उद्योग–शैक्षिक अन्तर्क्रियाको बैठकसम्म, स्किल वीक २०२५ मा विविध कार्यक्रमहरू समावेश छन् । पहिलेका संस्करणहरूको सफलतामा आधारित, स्किल वीक २०२५ ले विज्ञान र प्रविधि, कला र संस्कृति, पर्यटन र आतिथ्य सेवा, र उद्यमशीलता नामक चार प्रमुख स्तम्भमा केन्द्रित छ । जनवरी १०, २०२५ मा अत्यन्त प्रतीक्षित एवम उत्साहजनक स्किल फेस्ट कार्यक्रम इम्बार्क कलेज, पुल्चोक, ललितपुरमा आयोजना हुने भएको छ । 

‘स्किल फेस्ट – सीपको महोत्सव’ कार्यक्रम सीप सिकाइको निःशुल्क प्लेटफर्म युवाहरूका लागि सिप परीक्षण र अन्वेषण गर्ने अवधारणालाई प्रवद्र्धन गर्ने उद्देश्यले आयोजित भइरहेको छ । यो कार्यक्रम युवाहरूका लागि खुला प्लेटफर्म हो, जहाँ उनीहरूले विभिन्न सीप, तिनको महत्त्व र बजारको सम्भावनाका बारेमा जान्न र सिक्न सक्छन् । स्किल फेस्ट मा आकर्षक कार्यशाला, सीप प्रदर्शनी, प्रतियोगिता, रोचक खेलहरू, केस स्टडी प्रस्तुतिहरू, स्वादिष्ट खानाका परिकार, सङ्गीत र सीपमा आधारित मनोरञ्जन कार्यक्रम तथा रोजगारी मेला हुनेछ । 

जनवरी १३, २०२५ मा बहुप्रतिक्षित सीईओ अनप्लग्ड फोरम सन्चालन हुनेछ । यो फोरमले उद्यमी, व्यापार नेतृत्वकर्ता र विद्यार्थीहरूलाई वर्तमान व्यापार चुनौतीहरू र भविष्यका सम्भावनाहरूका बारेमा छलफल गर्न एकै स्थानमा ल्याउनेछ । कार्यक्रमको समापन समारोहमा स्किल हिरो अवार्डस् प्रदान गरिनेछ, जसले कला र संस्कृति, पर्यटन र आतिथ्य सेवा, विज्ञान र प्रविधि र उद्यमशीलता क्षेत्रमा असाधारण योगदान दिने व्यक्तिहरूलाई सम्मान गर्नेछ ।

स्किल वीक २०२५ का लागि हामी उत्साहित छौँ, जसलाई इम्पावरर्ड बाइ पार्टनर को रुपमा इम्बार्क कलेज ले समर्थन गरेको छ ।  कार्यक्रमलाई सभ्य र भव्य बनाउनका लागि यो कार्यक्रम विभिन्न संघसंस्थाको साझेदारीमा हुन गहिरहेको छ । 

सीएनआई र नेपाल चेम्बर अफ कमर्सस नेपाल पर्यटन बोर्ड, यस कार्यक्रमका युरोपियन युनियन, भारतीय दूतावास, र अस्ट्रेलियन दूतावास रणनीतिक साझेदार हुन् । होंडा, कोका–कोला, WWF Nepal, CG मोटर्स कार्यक्रमका साझेदार, यूएनडीपी र यूके स्किल्स पार्टनरशिप प्राविधिक सहयोगी, द सोल्टी काठमाडौं होटल पार्टनर, वल्र्डलिंक इन्टरनेट पार्टनर, कान्तिपुर र द काठमाडौँ पोस्ट मिडिया पार्टनर, यति एयरलाइन्स एयरलाइन्स पार्टनर, र NNQ आउटरिच पार्टनर रहेका छन् ।