काठमाडौँ / नेपाल सुनचाँदी व्यवसायी महासंघले आज मंसिर ३ गते बुधबारको सुनचाँदीको भाउ सार्वजनिक गरेको छ ।
महासंघका अनुसार बुधबार बजार खुलेपछि सार्वजनिक गरिएको मूल्यअनुसार आज छापावाल सुन प्रतितोला ९५ हजार १०० रुपैयाँ तोकिएको छ ।
यसअघि कार्तिक २८ गते प्रतितोला ९५ हजार २०० रुपैयाँमा कारोबार भएको छापावाल सुनमा आज भने सामान्य गिरावट आएको हो ।
त्यस्तै, आज तेजावी सुनलाई तोलामा ९४ हजार ६०० रुपैयाँमा कारोबार हुनेछ ।
यता, चाँदीको भाउ भने बढेको छ । यसअघि तोलामा एक हजार २२० रुपैयाँमा कारोबार भएको चाँदी आज तोलामा एक हजार २३० रुपैयाँमा कारोबार हुने महासंघले जनाएको छ ।
