काठमाडौँ / भर्खरै मात्र सार्वजनिक भएको नयाँ गीत ‘जानी नजानी’ को म्युजिक भिडियोले चर्चा बटुल्दै आएको छ ।
गायिका मिलन नेवारको आवाजमा रहेको गितमा शब्द लुनिभा श्रेष्ठको रहेको छ भने सुमधुर संगित सुनिल मास्केको रहेको छ ।
उक्त गीतको संगीत व्यवस्थापन सञ्जिव बराईलीले गरेका छन् भने मिक्सिङ् र मास्टरिङ् किशोर थापाले गरेका छन् ।
झन्डै ३ मिनेट ४० सेकेन्डको म्युजिक भिडियोमा रुबिस्का श्रेष्ठ र समिर खनालको सार्है नै राम्रो अभिनय रहेको छ जसले दर्शक-श्रोताहरूलाई पुरै गीतमा बाँधेर राख्न सफल भएको छ।
ओ एस आर डिजिटलको आधिकारीक य़ुट्युब च्यानलमार्फत सार्वजनिक भएको म्युजिक भिडियोमा युवराज वाईबाको निर्देशन रहेको छ ।
