काठमाडौँ / सिद्धार्थ बैंकले परिष्कृत र परिमार्जन गरी आफ्नो नयाँ आधिकारिक वेबसाइट सञ्चालनमा ल्याएको छ । बैंकले सञ्चालनमा ल्याएको उक्त वेबसाइट अझ बढी ग्राहकमैत्री भएको बताइएको छ ।
सजिलै डिजिटल माध्यमबाट बैंकको सेवा, सुविधा तथा सूचनाहरूको बारेमा जानकारी प्रदान गर्न र प्रयोगकर्ताहरूको सन्तुष्टि बढाउने उद्देश्यले नयाँ वेबसाइट सञ्चालनमा ल्याएको बैंकले जनाएको छ ।
नयाँ वेबभसाइट आधुनिक र नवीनतम् प्रविधि प्रयोग गरेर बनाइएको नयाँ वेबसाइट सबै किसिमका ब्राउजरमा सहजै रुपमा मोबाइल एवं कम्प्युटरबाट चलाउन मिल्ने गरि विकास गरिएको बैंकको दाबी छ ।
ग्राहकहरुको कुनै पनि गुनासो तथा विषयहरुलाई सहज ढंगले सम्बोधन गर्न च्याट, हेल्प डेस्क, क्विक डायल जस्ता एप्लिकेशनहरु राखिएका छन् ।
त्यस्तै बैंकले नयाँ वेबसाइटको सुरुवातसँगै नागरिक एपसँगको सहकार्यमा बैंकको वेबसाइटबाट नागरिक एपमार्फत अनलाइन खाता खोल्न सकिने सुविधा समेत सुरुवात गरेको जनाएको छ ।
