काठमाडौँ / अब प्रभु बैंक लिमिटेडका मोबाइल बैंकिङ्ग प्रयोगकर्ताले क्यूआर कोड स्क्यान गरी नगद झिक्न सक्ने भएको छ । बैंकले क्यूआर कोड स्क्यान गरी नगद झिक्न मिल्ने नयाँ सेवा सञ्चालनमा ल्याएपछि मोबाइल बैंकिङ्ग प्रयोगकर्ताले यस्तो सुविधा पाउने भएका हुन् ।
यो सेवा अन्य बैंकका मोवाइल बैंकिङ्ग प्रयोगकर्ताहरुले समेत उपभोग गर्न सक्नेछन् । यो नेपाली बैंकिङ्ग इतिहासमा नबिनतम् प्रयोग हो ।
यो सेवा बैंकका सम्पूर्ण शाखा कार्यालयहरुका नगद काउण्टरहरुबाट सहजरुपमा उपलब्ध हुने बैंकले जानकारी दिएको छ । आज बैंकले जारी गरेको एक विज्ञप्ति अनुसार यसबाट नगद झिक्नको चेक तथा एटिएम कार्ड बोक्ने झण्झटबाट ग्राहकहरु मुक्त हुनुहुनेछ ।
बैंकले सञ्चालनमा ल्याएको यस नविनतम् सेवाबाट ग्राहक वर्गले पर्याप्त लाभ उठाउनुहुनेछ भन्ने बैंकले विश्वास लिएको छ ।